अर्धापूर, निळकंठ मदने| तालुक्यातील देगाव कु व डौर ग्रामपंचायत निवडणुक निकाल मंगळवारी जाहीर झाला असून देगाव कु येथे उषा फुलारी तर डौर येथे राधा आढाव यांची थेट जनतेतून सरपंच पदी वर्णी लागली आहे.
अर्धापूर तालुक्यातील दोन ग्रामपंचायतीचा निवडणूक निकाल जाहीर झाला असून देगाव कु.येथे उषा राजेश्वरराव फुलारी १०२० मते घेऊन विजयी झाल्या तर मीरा रघुनाथ आमलगौंड यांचा ६७ मतांनी पराभव झाला आहे. भगवान कदम, रेणुका देविदास राजाळे, जिजाबाई गंगाधर कदम, लक्ष्मीबाई बालाजी कदम, संतोष कदम, रामकृष्ण कदम, मिरा महेंद्र अटकोरे, अर्चना संजय कदम,विश्वांभर नागोराव कदम सदस्य निवडून आले आहेत.
डौर ग्रामपंचायत सरपंच पदी आढाव राधाबाई नरोजी आढाव या २५२ मतांनी विजयी झाल्या तर शितल अशोक शिंदे ९१ मतांनी पराभूत झाल्या येथील सदस्य अनिताबाई मधुकर राठोड,रामा जाधव,सिताबाई रघुनाथ शिंदे, श्यामबाला संदिप शिंदे,ज्ञानेश्वर शिंदे,निर्मला केशव गायकवाड,संभाजी होंडाळे यांची बिनविरोध निवड झाली आहे.
संभाजी ब्रिगेडचे जिल्हाध्यक्ष भगवान कदम यांच्या हाती गत दहा वर्षे येथील सत्ता होती.यावेळी पराभव पत्करावा लागला.येथील ग्रामस्थांनी नवतरूणांना संधी दिली. निवडून आलेल्या उमेदवारांवर सर्वस्तरातून शुभेच्छांचा वर्षाव होत आहे.
