🌾 १) पीएम किसान सन्मान निधी योजना
ही केंद्र सरकारची योजना असून पात्र शेतकऱ्यांना दरवर्षी 6,000 रुपये थेट बँक खात्यात जमा केले जातात. ही रक्कम तीन समान हप्त्यांत (प्रत्येकी 2,000 रुपये) दिली जाते.
हप्त्यांचे वेळापत्रक – वर्षातून 3 वेळा हप्ता दिला जातो. साधारणपणे प्रत्येक 4 महिन्यांच्या अंतराने हप्ता मिळतो. पीएम किसान 22 वा हप्ता : फेब्रुवारी ते मार्च 2026 दरम्यान शेतकऱ्यांच्या खात्यात जमा होण्याची शक्यता आहे. मात्र याबाबत अधिकृत तारीख अद्याप जाहीर झालेली नाही.
हप्ता मिळण्यासाठी आवश्यक अटी – ई-केवायसी (e-KYC) पूर्ण असणे बंधनकारक आहे. आधार कार्ड बँक खात्याशी लिंक असणे, शेतकरी नोंदणी व Farmer ID अद्ययावत असणे, वरीलपैकी कोणतीही प्रक्रिया अपूर्ण असल्यास हप्ता अडकू शकतो.
🌾 २) नमो शेतकरी महासन्मान निधी योजना
ही महाराष्ट्र शासनाची योजना असून पीएम किसान योजनेला पूरक आहे. या योजनेतून शेतकऱ्यांना दरवर्षी 6,000 रुपये (प्रत्येकी 2,000 रुपयांचे तीन हप्ते) दिले जातात. त्यामुळे पात्र शेतकऱ्यांना पीएम किसान (6,000) + नमो शेतकरी (6,000) = एकूण 12,000 रुपये प्रतिवर्ष मिळतात.
नमो शेतकरी योजनेचा 8 वा हप्ता : फेब्रुवारी 2026 मध्ये खात्यात जमा होण्याची अपेक्षा आहे. अधिकृत घोषणा लवकरच होण्याची शक्यता आहे. पीएम किसान योजनेचा लाभार्थी असणे आवश्यक, नमो शेतकरी योजनेची नोंदणी व केवायसी पूर्ण असणे गरजेचे
🔎 हप्ता आला की नाही हे कसे तपासावे?
पीएम किसान योजनेसाठी अधिकृत संकेतस्थळावर “Know Your Status” या पर्यायातून मोबाईल नंबर किंवा नोंदणी क्रमांक टाकून माहिती पाहता येते. अडचण असल्यास जवळच्या सेतू केंद्र, महा-ई-सेवा केंद्र किंवा तलाठी/कृषी कार्यालयाशी संपर्क साधावा.
थोडक्यात महत्त्वाचे मुद्दे
✔️ पीएम किसान 22 वा हप्ता – फेब्रुवारी/मार्च 2026 (अपेक्षित)
✔️ नमो शेतकरी 8 वा हप्ता – फेब्रुवारी 2026 (अपेक्षित)
✔️ दोन्ही हप्ते मिळण्यासाठी e-KYC व बँक लिंकिंग अनिवार्य आहे.
✔️ एका वर्षात एकूण 12,000 रुपयांचा लाभ मिळतो.
