Dr. Rajendra Wankhede : “माजी मुख्यमंत्री अशोकराव चव्हाण यांच्या मार्गदर्शनाखाली हिमायतनगरचा कायापालट करणार” — डॉ. राजेंद्र वानखेडे
हिमायतनगर (अनिल मादसवार) “जाती-धर्माच्या राजकारणाला मागे सारत केवळ विकासाला केंद्रस्थानी ठेवून नगरपंचायत निवडणूक लढवित आहोत. माजी मुख्यमंत्री अशोकराव चव्हाण यांच्या मार्गदर्शनाखाली हिमायतनगर शहराचा चेहरामोहरा बदलून टाकू,” असा ठाम विश्वास डॉ. राजेंद्र वानखेडे यांनी व्यक्त केला.
आज शनिवारी भाजपच्या वतीने नारळ फोडून अधिकृतपणे निवडणूक प्रचाराला सुरुवात करण्यात आली. याप्रसंगी प्रथम ग्रामदैवत श्री परमेश्वराचे दर्शन घेऊन आशीर्वाद घेतल्यानंतर मान्यवरांच्या उपस्थितीत प्रचाराचा शुभारंभ झाला. घेण्यात आलेल्या पत्रकार परिषदेच्या मंचावर डॉ अंकुश देवसरकर, गिरीश जाधव, डॉ प्रसाद डोंगरगावकर, तालुकाध्यक्ष गजानन चायल, रामभाऊ सूर्यवंशी, विपुल दंडेवाड, कल्याण ठाकूर आदींसह भाजपचे प्रमुख कार्यकर्ते उपस्थित होते.
यावेळी बोलताना डॉ. वानखेडे म्हणाले कि, भाजपने हिमायतनगरच्या विकासाची ब्लु प्रिंट काढली आहे. ...