to grand Daawat-e-Iftar party in Himayatnagar -

हिमायतनगर, उत्कर्ष मादसवार| पवित्र रमजान ईद (ईद-उल-फित्र) सणाच्या पार्श्वभूमीवर हदगाव-हिमायतनगर तालुक्याचे आमदार बाबुराव कदम कोहळीकर यांच्या वतीने शहरातील चौपाटी परिसरातील दारुल उलूम येथे भव्य दावत-ए-इफ्तार पार्टीचे आयोजन करण्यात आले. कार्यक्रमात सौहार्दपूर्ण वातावरणात सर्वांनी एकत्र येत इफ्तारचा आनंद लुटला. हिंदू-मुस्लिम ऐक्याचे प्रतीक असलेला रमजान ईदचा सण आनंदात साजरा व्हावा तसेच समाजात भाईचारा अधिक दृढ व्हावा, या उद्देशाने या कार्यक्रमाचे आयोजन करण्यात आले होते. आमदार बाबुराव कदम कोहळीकर यांच्या मार्गदर्शनाखाली पार पडलेल्या या इफ्तार पार्टीला हिमायतनगर शहरातील हिंदू, मुस्लिम तसेच विविध समाजघटकांनी मोठ्या संख्येने उपस्थिती लावून सामाजिक ऐक्याचा संदेश दिला. यावेळी विजय वळसे यांनी आमदारांच्या वतीने उपस्थित सर्वांना रमजान ईदच्या शुभेच्छा दिल्या. अजान होताच सायंकाळी ६.३७ वाजता इफ्त...