the "note-for-note" button! -

नांदेड| फेस्काॅमच्या ध्येय धोरणा प्रमाणे "गाव तिथे संघ व ज्येष्ठ नागरिकांचे प्रबोधन" कार्यक्रमांतर्गत डाॅ.हंसराज वैद्य ,अध्यक्ष मराठवाडा प्रादेशिक विभाग फेस्काॅम अध्यक्षीय समारोह करताना बोलत होते. ते म्हणाले कुठल्याही पक्षाच्या नेत्यांनी कितीही व कशाही "महायुत्या" तथा "महाआघाड्या" करू द्यात, नांदेड जिल्ह्याच्या नऊही विधानसभा मतदार संघात "ज्येष्ठ नागरिक मतदार समूहाचे" आशिर्वाद ज्या पक्षाच्या उमेदवारास मिळतील तोच नक्की आमदार होऊ शकेल अशी परिस्थिती सद्याला झाली आहे. कुणीही आमदारकीचे बाशिंग गुडघ्याला बांधून बसू द्या, त्याचे गुडघ्याचे बाशिंग गुडघ्यालाच राहील. त्याच्या नशिबी हार तूरे व गुलाल नाहिच. सर्व पक्षांच्या नेत्यांना व इच्छुक उमेद्वारांनां आमचे ज्येष्ठ नागरिकांचे उघड उघड जाहिर आवाहान आहे की,आज आमची खुली,रिकामि व कोरी पाटी पाहे! आज आम्ही कुण्याही पक्षाच्या दावणीला बांधले गेलेलो नाहित...