save the girl loud slogan -

नांदेड | “मुलगी वाचवा, मुलगी शिकवा, मुलगी घडवा!” या संदेशासह जवळा देशमुख येथील बालिकांनी राष्ट्रीय बालिका दिनानिमित्त गावभर रॅली काढून समाजाला जागं केलं. हातात घोषणाफलक, ओठांवर ठाम घोषणा आणि डोळ्यांत आत्मविश्वास घेऊन या चिमुकल्या बालिकांनी अन्यायाविरोधात आणि समानतेसाठी ‘नवा एल्गार’ पुकारला. भारतामध्ये दरवर्षी २४ जानेवारी रोजी राष्ट्रीय बालिका दिन साजरा केला जातो. मुलींना शिक्षण, आरोग्य, सन्मान आणि समान अधिकार मिळावेत, तसेच समाजातील लैंगिक भेदभाव नष्ट व्हावा, या उद्देशाने हा दिवस पाळला जातो. या निमित्ताने जवळा देशमुख येथील जिल्हा परिषद प्राथमिक शाळेतील सर्व इयत्तांच्या मुलींनी रॅलीत सहभाग घेतला. “सेव्ह द गर्ल”, “मुलगा–मुलगी समान”, “शिक्षण हाच खरा दागिना”, “स्त्री भ्रूणहत्या बंद करा” अशा ठळक घोषणा गावकऱ्यांचे लक्ष वेधून घेत होत्या. जिल्ह्यात ३ ते २६ जानेवारी या कालावधीत ‘लेक वाचवा – लेक श...