Safety issue serious in Himayatnagar -

हिमायतनगर,अनिल मादसवार| हिमायतनगर शहरात भटक्या व रोगग्रस्त कुत्र्यांची संख्या वाढल्याने नागरिकांच्या सुरक्षिततेचा प्रश्न गंभीर बनला आहे. गेल्या काही दिवसांत शाळकरी मुले तसेच काही नागरिकांवर कुत्र्यांनी हल्ले केल्याच्या घटना घडल्या असून, त्यामुळे शहरात भीतीचे वातावरण निर्माण झाले आहे. सकाळी व सायंकाळी शाळेत ये-जा करणाऱ्या विद्यार्थ्यांना कुत्र्यांचा विशेष त्रास होत असल्याच्या तक्रारी समोर येत आहेत. काही जखमींवर स्थानिक रुग्णालयात उपचार करण्यात आले, तर गंभीर जखमींना पुढील उपचारासाठी नांदेड येथे हलविण्यात आले आहे. या घटनांमुळे पालकांमध्ये चिंतेचे वातावरण आहे. नागरिकांचे म्हणणे आहे की, शहरातील अनेक भागांत कुत्र्यांचे टोळके मुक्तपणे फिरत असून, त्यांच्यावर नियंत्रणासाठी प्रभावी मोहीम राबविण्याची गरज आहे. खाज, संसर्ग आणि संभाव्य रेबीजचा धोका लक्षात घेता तातडीने आरोग्यविषयक उपाययोजना करणे आव...