Power supply interrupted during Ain Ganeshetsav Gaurai Puja : ऐन गणेशेत्सव गौराई पूजनवेळी वीजपुरवठा खंडित; महावितरण विभागाचा भोंगळ कारभारावर जनता नाराज -NNL
हिमायतनगर| शहर व परिसरात महावितरण विभागाचा भोंगळ कारभार ऐन सणासुदीच्या काळात समोर येऊ लागला आहे. सण उत्सवाच्या काळातही विजेचा लपंडाव सुरू असल्याने गणेश भक्तांसह माता गौरीच्या उत्सवात अडथळे निर्माण झाल्याने अनेकांनी नाराजी व्यक्त केली आहे. जर पुढील दिवसात हा प्रकार थांबला नाहीतर संतप्त गणेशभक्त महावितरण कार्यालयावर हल्लाबोल करण्याच्या तयारीत आहेत.
गेल्या तीन दिवसापासून हिमायतनगर शहर व तालुक्यातील ग्रामीण भागात ऐन मुख्य आरती पूजेच्या वेळेला वीज पुरवठा खंडित होत आहे. त्यामुळे गणेश भक्त व गौरीपूजनाच्या तयारीत असलेल्या महिला वर्गातून महावितरण विभागाच्या नाकर्तेपणा बाबत तीव्र संताप व्यक्त केला जात आहे. गेल्या ०७ तारखेला गणेशोत्सवाला सुरुवात झाली आहे. उत्सवाच्या काळात सकाळी आणि सायंकाळी रात्रीला आठ ते १० च्या दरम्यान गणरायाची भाविक भक्ताकडून आरती, महापूजा आणी विविध धार्मिक, सामाजिक कार्यक्रमां...