Tag: intellectual guidance

हिमायतनगर (अनिल मादसवार) हिमायतनगर शहरात विजयादशमी निमित्त राष्ट्रीय स्वयंसेवक संघाच्या वतीने सघोष पथसंचलन शोभायात्रा व शस्त्रपूजन भव्य उत्साहात पार पडली. शहरातील मुख्य रस्त्यावर ठिकठिकाणी नागरिकांनी पुष्पवृष्टी, सडा-सन्मार्जन व रांगोळ्यांद्वारे पथसंचलनाचे स्वागत केले. “विजयादशमी हा पराक्रम आणि पौरुषत्व जागवणारा सण आहे. प्रभू श्रीरामाचे कोदंड, श्रीकृष्णाचे सुदर्शन चक्र, दुर्गामातेचा त्रिशूल आणि छत्रपती शिवरायांची तलवार यांसारख्या शस्त्रांचे पूजन करून संघ समाज संघटित व समरस करण्याचे कार्य करत आहे. संघाला शंभर वर्ष पूर्ण झाले असून, शताब्दी वर्षानिमित्त हिमायतनगर शहरात विजयादशमी सोहळ्याची सुरुवात भगव्या ध्वजाला वंदन व प्रार्थनेने झाली. अत्यंत शिस्तबद्ध पद्धतीने शोभा यात्रा श्री परमेश्वर मंदिरापासून निघालेली पथसंचलन रॅली शहरातील मुख्य रस्त्यांवरून परत मंदिर मंगल कार्यालय येथ...