Himayatnagar Nagar Panchayat Election: 'Bhaavi' -

हिमायतनगर (अनिल मादसवार) अखेर नगरपंचायत निवडणुकीचा बिगुल वाजला असून, 246 नगरपरिषदा, 42 नगरपंचायतींसाठी 2 डिसेंबरला मतदान होणार असून, 3 डिसेंबरला निकाल हाती येणार आहे. तारखा जाहीर होताच हिमायतनगरात राजकीय वातावरण तापले आहे. निवडणुकीच्या तारखा जाहीर होताच शहरात उमेदवारांच्या चर्चांना उधाण आले आहे. अजून अधिकृत उमेदवारांची घोषणा झाली नसली तरी सोशल मीडियावर मात्र “भावी नगरसेवक”, “भावी नगराध्यक्ष” आणि “भावी उपनगराध्यक्ष” अशी पदवी घेणाऱ्या कार्यकर्त्यांची जोरदार चलती सुरू झाली आहे. आता सर्वांचे लक्ष या गोष्टीकडे लागले आहे की — कोण प्रत्यक्ष रिंगणात उतरणार आणि कोण मैदानातून बाद होणार? सोशल मीडियावर ‘भावी’ंची झंझावाती मोहीम फेसबुक, इंस्टाग्राम, व्हॉट्सअॅप आणि रील्सवर “भावी” उमेदवारांची प्रचारयात्रा रंगली आहे. बॅनर, पोस्टर, रील्स आणि शुभेच्छा संदेशांमधून अनेकांनी आपली राजकीय ओळख मजबूत करण्यास सु...