for the development of the constituency -

उमरखेड। उमरखेड विधानसभेतील अनेक प्रश्न मागील अनेक वर्षापासून प्रलंबित आहेत . विकासाच्या नावावर आजपर्यंत खोटी आश्वासने मिळाली आहेत परंतु मी या मतदारसंघाच्या विकासासाठी विधानसभा सभागृहात आवाज उठवुन सर्व प्रश्न मार्गी लावण्याचा प्रयत्न करणार असल्याची ग्वाही महाविकास आघाडीचे उमरखेड विधानसभेचे उमेदवार साहेबराव कांबळे यांनी दिली . महाविकास आघाडीचे काँग्रेसचे उमेदवार साहेबराव कांबळे यांच्या प्रचाराचा शुभारंभ हरदडा येथील अमृतेश्वर मंदिरात नारळ फोडून करण्यात आला . या प्रचार समारंभाच्या कार्यक्रमाचे अध्यक्षस्थानी माजी केंद्रीय मंत्री तथा राष्ट्रवादी शरद पवार पक्षाच्या नेत्या सूर्यकांता ताई पाटील होत्या . या प्रसंगी शेकडो कार्यकर्ते, समर्थक, आणि स्थानिक ग्रामस्थांची मोठ्या संख्येने उपस्थिती होती. यावेळी साहेबराव कांबळे यांनी सर्वसामान्यांचे जीवनमान उंचावण्याच्या आपल्या संकल्पाचा पुनरुच्चार केला. ...