Tag: for international study tour

नांदेड| शिक्षण क्षेत्रात आपल्या नाविन्यपूर्ण उपक्रमांनी विद्यार्थ्यांना नवे दृष्टीकोन देणारे जिल्हा परिषद केंद्रीय प्राथमिक शाळा मारतळा तालुका लोहा येथील मुख्याध्यापक तथा उपक्रमशील शिक्षक रवी ढगे यांची महाराष्ट्र शासनाच्या शिक्षण विभागाच्या स्टार्स प्रकल्पांतर्गत सिंगापूर आंतरराष्ट्रीय अभ्यास दौऱ्यासाठी निवड झाली आहे. शिक्षण क्षेत्रात त्यांनी केलेल्या उल्लेखनीय कार्याची दखल घेत त्यांना हा सन्मान मिळाला आहे. कोरोना काळात घरचा अभ्यास हा स्तुत्य उपक्रम राबवून त्यांनी विद्यार्थ्यांच्या शिक्षणात खंड पडू दिला नाही. तसेच, शाळाबाह्य मुलांना मुख्य प्रवाहात आणण्यासाठी बालरक्षक म्हणून भरीव योगदान दिले. तंबाखू मुक्त शाळा अभियानात त्यांनी शाळा व कुटुंबांमध्ये जागरूकता निर्माण करून सकारात्मक बदल घडवला. विद्यार्थ्यांसाठी भविष्यवेधी शिक्षणाच्या दृष्टीने लर्निंग टू लर्न उपक्रमाअंतर्गत त्यांनी जपानी व...