डॉ. राम वाघमारे यांना डॉ. बाबासाहेब आंबेडकर अवार्ड; राज्यपाल रमेश बैस यांच्या हस्ते मुंबईत सन्मान -NNL
नांदेड| पीपल्स एज्युकेशन सोसायटीच्या यंदाच्या भारतरत्न डॉ. बाबासाहेब आंबेडकर अवार्डने नांदेड येथील साहित्यिक, लेखक डॉ. राम वाघमारे यांना राज्याचे महामहिम राज्यपाल रमेश बैस यांच्या हस्ते मुंबई येथील यशवंतराव चव्हाण प्रतिष्ठान येथे आयोजित कार्यक्रमात सोमवार दिनांक 8 जुलै रोजी सन्मान करण्यात आला. या कार्यक्रमाला केंद्रीय सामाजिक न्याय मंत्री पीपल्स एज्युकेशन सोसायटीचे अध्यक्ष रामदास आठवले, विद्यापीठ अनुदान आयोगाचे माजी अध्यक्ष डॉ. सुखदेव थोरात, सोसायटीचे विश्वस्त अॅड. उज्वल निकम, अॅड. बी.के. बर्वे, सचिव डॉ. वामन आचार्य आदींची यावेळी उपस्थिती होती.
डॉ. राम वाघमारे हे श्री शारदाभवन संस्थेच्या महात्मा फुले हायस्कूल बाबानगर नांदेड येथे सहशिक्षक म्हणून कार्यरत असून शैक्षणिक, साहित्यिक व सामाजिक क्षेत्रात त्यांचे मोठे योगदान आहे. डॉ. राम वाघमारे यांचे 'डोन्ट वरी सर' (कथासंग्रह) 'खे...