Datta Shirane -

हिमायतनगर, अनिल मादसवार| तालुक्यातील एकघरी, बिरसा मुंडा चौक ते वाशी अंतर्गत सिमेंट काँक्रेट व डांबरी रस्त्याचे काम अतिशय बोगस व निकृष्ट दर्जाचे झाले आहे. सदरचा रस्ता करताना ठेकेदाराने अभियंत्याशी मिलीभगत करून शासनाच्या मुळ अंदाज पत्रकाला बासनात गुंडाळून केले असल्याने डांबरी रस्ता हाताने निघत असून, सिमेंट काँक्रेट रस्त्याला देखील तडे जाऊन अनेक ठिकाणी उखडला आहे. या बोगस व निकृष्ट दर्जाच्या कामाची सखोल चौकशी करून दोषी अभियंते व राजकीय वरदहस्त असलेल्या संबंधित ठेकेदारांवर कारवाई करावी. अशी मागणी भारतीय जनता पार्टी अनुसूचित जाती मोर्चाचे तालुकाध्यक्ष दत्ता शिराणे यांनी एका निवेदनाद्वारे केली आहे. कार्यकारी अभियंता सार्वजनिक बांधकाम विभाग भोकर यांना दिलेल्या निवेदनात दत्ता शिराणे यांनी म्हटले आहे की, तालुक्यातील एकघरी, बिरसा मुंडा चौक ते वाशी अंतर्गत रस्त्यांच्या कामांसाठी शासनाकडून जवळपास ५...