at petrol pumps in Loha; Crowds -

लोहा| जिल्ह्यात पेट्रोल-डिझेलचा कोणताही तुटवडा नसल्याचे प्रशासनाकडून वारंवार स्पष्ट करण्यात येत असतानाही अफवांच्या पार्श्वभूमीवर लोहा शहरात पेट्रोलपंपांवर वाहनांच्या लांबलचक रांगा लागल्याचे चित्र दिसून आले. रामनवमीच्या दिवशी दुचाकी, चारचाकी, क्रेन, जेसीबी, हायवा, जीप आदी वाहनांनी इंधन भरण्यासाठी सकाळपासूनच पेट्रोलपंपांवर गर्दी केली होती. जिल्हाधिकारी राहुल कर्डिले यांनी जिल्ह्यात पेट्रोल व डिझेलचा मुबलक साठा उपलब्ध असून नागरिकांनी पॅनिक खरेदी करू नये व कोणत्याही अफवांवर विश्वास ठेवू नये, असे आवाहन केले आहे. तरीही इंधन तुटवड्याची भीती वाहनधारकांमध्ये दिसून येत असून “टँक फुल” करण्याची स्पर्धाच लागल्याचे चित्र होते. दरम्यान, जानापुरी येथेही गॅस सिलेंडरसाठी ग्राहकांची मोठी गर्दी उसळली. गॅस गोडाऊनसमोर नागरिकांनी उन्हातान्हात रांगा लावल्या. प्रत्यक्षात गॅसचा पुरवठा सुरळीत सुरू असून, नोंदणीनंतर...