श्रीक्षेञ माहूर, कार्तिक बेहेरे| जिल्हाधिकारी अभिजीत राऊत,सहाय्यक जिल्हाधिकारी मेघना कावली यांच्या आदेशानुसार मागील अनेक दिवसापासून वाळू तस्करावर जिल्हाभरात धडक कारवाया करण्यात येत असून, माहूरचे तहसीलदार किशोर यादव यांनी वाळू तस्कराच्या वाहनावर मोठ्या प्रमाणात धाड सत्र सुरू केले असून वाळू तस्करी करणार्यांनी वाळू चोरी करण्याचा अजिबात प्रयत्न करू नये,अन्यथा गोळी घालु असा रोखठोक इशारा देवून देखील नागोबा पेंडातून अवैध वाळु उपसा करुण अनेक बांधकामावर वाळु पुरवली जात असल्याने वाळु तस्करावर महसूल प्रशासनातील कोणता अधिकारी पाठराखण करीत आहे व झारीतील शुक्राचार्याची भूमिका कोण बजावत आहे ? याचा शोध प्रशासनाने घेणे गरजेचे झाले आहे.
माहूर तालुक्याला वळसा घालून वाहणाऱ्या पैनगंगा नदी पात्रावर अधिकृत नऊ वाळू घाट असून, वाळू तस्करांनी वाळू चोरी करण्यासाठी अनेक ठिकाणी चोरमार्ग बनविलेले आहेत.त्यापैकी बरेच चोरमार्ग तहसीलदार किशोर यादव यांच्या मार्गदर्शनाखाली जेसीबीद्वारे खंदक खोदून बंद केले आहे.परंतु वाळु तस्करांनी इतर ठिकाणावरुण मार्ग काढत रात्री उशीरा नंतर नदी पाञातून वाळू उपसा करीत सर्वञ पुरवित असल्याचे जिवंत चिञ आहे.तहसीलदार किशोर यादव व महाकाल नावाने तालुक्यात प्रसिद्ध झालेले नायब तहसीलदार कैलास जेठे हे रात्री बे-रात्री जीवाची परवा न करता मोठे जोखीम पत्कारून वाळू तस्करी होत असलेल्या ठिकाणी जाऊन वाळू तस्करांना जेर बंद करण्याचा आटोकाट प्रयत्न करीत असल्याचे कारवाई वरुण दिसत आहे.
असे असले तरी वडसा येथील नागोबा पेंडातून अवैध वाळु उपसा करुण तालुक्यासह विर्दभात वाळु पुरवित आहे.सध्या घडीला नागोबा मंदीराच्या मागे जवळपास एक हजार ते बारासे ऐवढा वाळु साठा पडून आहे.तर प्रशासनाने जप्त केलेल्या स्थळावर वाळुचा एक कणही नसल्याचे फोटो व व्हिडीओ आनेकाजवळ उपलब्ध आहे. वाळू तस्करांनी नागोबा मंदीराच्या मागच्या बाजुने नव्याने उपसा करुण ठेवलेल्या वाळू साट्यावर महसूल प्रशासन का दुर्लक्ष करीत आहे.असा सवाल या ठिकाणी निसर्गप्रेमी नागरिकातून केला जात आहे.
दिवसा मंदिरासमोरील सभागृहाचे काम; रात्रीला जेसीबी द्वारे वाळू उत्खनन
वडसा येथील नागोबा मंदिर परिसरात सध्या सभागृहाचे बांधकाम सुरू आहे. दरम्यान येथे खोदकाम करण्यासाठी जेसीबीचा वापर केला जातोय, जेसीबी सुद्धा प्रख्यात वाळू माफियांच्या समूहातील असून दिवसा मंदिरासमोरील सभागृहाचे काम व रात्री नदीतून वाळू उत्खनन असे कार्य या जेसीबीच्या माध्यमातून केले जात आहे. तहसील कार्यालयाकडून दिवसा व रात्रीसाठी तलाठी व कोतवालांचे पथक गटीत करण्यात आले. मात्र तलाठी,मंडळ अधिकारी व कोतवालांचे हात चोरीच्या वाळूत माखलेले असल्याचे काहीचे म्हणने आहे. नजरेसमोर वाळूचे मोठे-मोठे ढीग असताना ते तलाठ्यांना का दिसत नाही. किनवटच्या सहाय्यक जिल्हाधिकारी मेघना कावली मॅडम यांनी या परिसराचा दौरा केल्यास विदारक परिस्थिती त्यांना दिसून येईल.
सी.सी टीव्हीच्या माध्यमातून वाळु तस्करांचा शोध
माहूर तालुक्यातील अनेक गावामध्ये खाजगी इमारतीचे बांधकाम सुरु असून या बहुतांश बांधकामावर वडसा येथील नागोबा पेंडावरुण राञी उशीरा वाळु चोरुण पुरवली जात आहे.महसूल प्रशासनाने तालुक्यातील मोठ्या गावातील बांधकामाची माहिती घेवून पाहणी केली असता एका एका बांधकामावर २० ते ३० ब्रास वाळुचे मोठ मोठे ढिगारे आढळूण येईल.ऐवढेच नाही तर वाई बाजार सारख्या ग्राम पंचायत प्रशासनाने ठिक ठिकाणी लावलेल्या सी.सी टिव्ही पुटेजच्या माध्यमातून अवैध वाळु तस्करी करणार्या टोळीचा व अवैध वाळु वाहतुक करणार्या वाहणाची सहज माहिती प्राप्त होईल यात कुठली ही शंका नाही.