लातूर। लातूर तालुक्यातील हरंगुळ बु.च्या कैलास नगर येथील श्री शंभू महादेव देवस्थानच्या वतीने प्रतिवर्षाप्रमाणे याही वर्षी पवित्र अशा श्रावण मासारंभा निमित्त कावड यात्रा काढण्यात आली होती. या कावड यात्रेमध्ये कैलास नगर, गोविंद नगर, माऊली नगर, मुक्ताईनगर व परिसरातील अनेक भाविक भक्तांनी सहभाग नोंदवला होता.
ही कावड यात्रा कैलास नगर येथून वरवंटी शिवारात असलेल्या काशी नगर येथील काशी विश्वेश्वर महादेव मंदिरापर्यंत काढण्यात आली. त्यानंतर काशी विश्र्वेश्वराला सर्व भाविक भक्तांनी कावडीत आणलेल्या पाण्याने जलाभिषेक केला. तसेच शिवनामाचा गजर करीत येथील भाविक भक्त शिवनामाच्या भजनात दंग झाले. ही कावड यात्रा काशीनगर येथून परत तेथील जल घेऊन कैलास नगर येथील श्री शंभू महादेवास भाविक भक्तांनी जलाभिषेक केला. या नंतर काशिनगर येथे सर्व भाविकांसाठी महाप्रसादाचे आयोजन करण्यात होते.
वेदांग धाराशिवे यांचे सुश्राव्य भजन वरवंटी शिवारात म्हणजे बार्शीरोडवरील परशुराम पार्कजवळ वडगावे फार्मस, काशिनगर येथील देवस्थानात पावन अशा श्रावण मासारंभानिमीत्त निमित्त प्रख्यात गायक सुरमणी वेदांग धाराशिवे यांचे सुश्राव्य असे भजन आयोजित करण्यात आले होते. यावेळी शेकडो भाविक भक्त भक्तीसागरात बुडाले होते.
