हिमायतनगर | हिंगोली लोकसभेचे माजी खासदार सुभाष वानखेडे यांनी हिमायतनगर येथील जाज्वल्य देवस्थान श्री परमेश्वर मंदिरास भेट देत श्रीच्या चरणी नतमस्तक होत मनोभावे दर्शन घेतले. यावेळी त्यांनी मंदिर परिसरात नुकत्याच पूर्ण झालेल्या विकासकामांचा आढावा घेतला.
मंदिर समितीचे उपाध्यक्ष महावीरचंद श्रीश्रीमाळ यांनी मंदिर परिसरात पर्यटन विकास निधीतून सुमारे ५० लाख रुपयांच्या खर्चातून पेव्हर ब्लॉक बसविणे व टिन शेड उभारण्याचे काम करण्यात आल्याची माहिती दिली.
दरम्यान, या विकासकामांमध्ये हेराफेरी झाल्याचा संशय व्यक्त करत माजी खासदार सुभाष वानखेडे यांनी कामाच्या दर्जाबाबत नाराजी व्यक्त केली. त्यांनी यासंदर्भात सार्वजनिक बांधकाम विभागाचे अभियंता श्री डांगे यांच्याशी दूरध्वनीवरून संवाद साधत संबंधित कामाचे अंदाजपत्रक सादर करण्याची मागणी केली.
मंदिर विकास कामात शासन व मंदिर कमेटीची दिशाभूल करून जुन्या कोंक्रेटवर थेट चुरी टाकून पेव्हर ब्लॉकचे काम करून निधी लाटल्या गेल्याचा आरोप सुभाष वानखेडे यांनी केल्याने हिमायतनगर येथील सार्वजनिक बांधकाम विभागाचा कारभार चव्हाट्यावर आला आहे.
आतातरी श्री परमेश्वर मंदिर विकासाच्या नावाखाली केल्या जाणारे सर्व शासकीय कामे मंदिर कमिटीच्या देखरेखित मंदिर कमेटीने स्वतः करून घ्यावे तरच शासनाच्या तीर्थक्षेत्र व पर्यटन विकास निधीचा खरा उपयोग होईल असे सुभाष यांनी म्हटले आहे.
यावेळी मंदिराचे उपाध्यक्ष महावीरचंद श्रीश्रीमाळ, सेक्रेटरी अनंता देवकते, संचालक अनिल मादसवार, संजय माने, विलास वानखेडे, गणेश शिंदे, गजानन तुपतेवार, श्याम मारुडवार, उदय देशपांडे, सत्यवृत्त ढोले, संटी कप्पलवाड, मुखतार भाई, प्रभाकर क्षीरसागर, राजेश जाधव, रामभाऊ सूर्यवंशी, रमेश गुड्डेटवार, विकास नरवाडे, विनोद दुर्गेकर, संतोष गाजेवार, श्याम पाटील, गणेश राऊलवाड, यांच्यासह शिवसैनिक, नागरिक व भाविक भक्त मोठ्या संख्येने उपस्थित होते
