नांदेड l सीटू संलग्न महाराष्ट्र राज्य घर कामगार संघटनेच्या जिल्हा सरचिटणीस कॉ.करवंदा गायकवाड यांची राज्य कमिटीच्या सह सचिवपदी नुकतीच निवड झाली.
नाशिक येथील सीटू भवन खुटवड नगर सातपूर येथे पार पडलेल्या ३ ऱ्या राज्य अधिवेशनात त्यांची निवड झाली असून नांदेड जिल्ह्यातील ३ प्रतिनिधी उपरोक्त अधिवेशनासाठी उपस्थित होते.
यावेळी सीटू चे राष्ट्रीय उपाध्यक्ष तथा राज्य अध्यक्ष कॉ.डॉ.डी.एल.कराड यांनी पहिल्या सत्राचे उदघाटन केले.
सभेला मार्गदर्शन करण्यासाठी सीटूचे राज्य पदाधिकारी उपस्थित होते.
२४ नोव्हेंबर रोजी संपन्न झालेल्या राज्य अधिवेशनात राज्य अध्यक्षा म्हणून कॉ.ऍड.आरमायटी इराणी तर राज्य सरचिटणीस म्हणून कॉ.किरण मोघे यांची एकमताने फेरनिवड करण्यात आली.
यावेळी नांदेड जिल्ह्याच्या सरचिटणीस कॉ.करवंदा गायकवाड यांची राज्य सह सचिव पदी तर कॉ.गंगाधर गायकवाड यांची राज्य कमिटी सदस्यपदी निवड करण्यात आली आहे.
कॉ.करवंदा गायकवाड ह्या सीटूच्या लढाऊ कार्यकर्त्या असून त्यांच्या नेतृत्वाखाली नांदेड जिल्ह्यात व राज्यात अनेक आक्रमक आंदोलने झाली आहेत.
त्यांची राज्य कमिटीच्या सह सचिव व कॉ.गंगाधर गायकवाड यांची राज्य कमिटी सदस्यपदी एकमताने निवड झाल्यामुळे त्यांचे सर्व स्तरातून अभिनंदन होत असून त्यांना सदिच्छा देण्यात येत आहेत.
अशी माहिती सीटू जिल्हा महासचिव कॉ.गंगाधर गायकवाड यांनी दिली आहे.
