किनवट, परमेश्वर पेशवे| पक्षाच्या किलबिलाटासह वेली फुलाने नटलेला निसर्गरम्य हा सहस्रकुंड धबधबा पर्यटन स्थळ नांदेडच नव्हे तर महाराष्ट्रात सुप्रसिद्ध असलेला सहस्रकुंड धबधबा गेल्या अनेक महिन्यापासून पाण्याच्या प्रतीक्षेत होता मात्र आज सकाळपासून पावसाने चांगलीच सुरवात केल्याने हा सहस्रकुंड धबधबा आता धो धो व्हायला सुरुवात झालाय..
मराठवाडा आणि विदर्भाची सीमा दर्शवणारी पैनगंगा नदी आणि या पैनगंगा नदीतून उदयास आलेला हा निसर्गरम्य सहस्त्रकुंड धबधबा येणाऱ्या पर्यटकांना भुरळ पाडणारा धबधबा गेल्या दीड महिन्यापासून पाण्याच्या प्रतीक्षेत होता मात्र सकाळपासूनच पावसाने चांगलीच हजेरी लावल्याने या सहस्रकुंड धबधब्याच्या तिन ही धारा सुरू झाल्या आहेत.
हा सहस्रकुंड धबधबा नांदेडच नव्हे तर महाराष्ट्रात प्रसिद्ध असून हा सहस्रकुंड धबधबा पाहण्यासाठी महाराष्ट्र, तेलंगणा, आंध्र प्रदेश, कर्नाटक आणि मध्य प्रदेश या राज्यातून पर्यटक मोठ्या प्रमाणात हा सहस्त्रकुंड धबधबा पाहण्यासाठी येतात. या सहस्त्रकुंड धबधब्याच्या तिन्ही धारा तब्बल दिड महिन्याने सुरू झाल्याने आता हा धबधबा पाहण्यासाठी पर्यटक गर्दी करताना दिसत आहेत.
