नांदेड | महाराष्ट्रातील नांदेड येथे झालेल्या दुर्घटनेत जीवितहानी झाल्याबद्दल पंतप्रधान नरेंद्र मोदी यांनी दुःख व्यक्त केले असून, मृतांच्या कुटुंबीयांना प्रधानमंत्री राष्ट्रीय आपत्ती निधीतून (PMNRF) प्रत्येकी २ लाख रुपयांची सानुग्रह मदत देण्यात येणार असल्याची माहिती पंतप्रधान कार्यालयाने दिली आहे.
दुर्घटनेतील जखमींच्या उपचारासाठीही प्रत्येकी ५० हजार रुपयांची मदत देण्यात येणार आहे. जखमींच्या प्रकृतीत लवकर सुधारणा व्हावी, अशी प्रार्थना पंतप्रधान मोदी यांनी व्यक्त केली.
पंतप्रधान कार्यालयाच्या अधिकृत सोशल मीडिया पोस्टद्वारे ही माहिती देण्यात आली. दुर्घटनेतील मृतांच्या कुटुंबीयांप्रती पंतप्रधानांनी संवेदना व्यक्त करत या दुःखद प्रसंगी सरकार त्यांच्या पाठीशी असल्याचे स्पष्ट केले आहे.
