कंधार ( सचिन मोरे) ग्रामीण शिक्षण प्रसारक मंडळाचे संस्थापक कै. शिवरामजी पवार यांच्या पुण्यस्मरण दिनानिमित्त सर्वधर्मीय सामूहिक विवाह सोहळ्याचे आयोजन १४ मार्च रोजी सकाळी ११ वाजता शिवराम पवार मंगल कार्यालय कंधार येथे करण्यात आले असून या विवाह सोहळ्यामध्ये नऊ नवदांपत्य विवाहबद्ध होणार आहेत.
या विवाह सोहळ्यास हजारोच्या संख्येने उपस्थित राहून आशीर्वाद द्यावेत असे आवाहन लोहा कंधार विधानसभा मतदारसंघाचे बहुजन नेते ,ग्रामीण शिक्षण प्रसारक मंडळाचे अध्यक्ष डॉ. संजय पवार यांनी केले आहे.
कंधार तालुक्यात शिक्षण क्षेत्रात भरीव कामगिरी केलेल्या ग्रामीण शिक्षण प्रसारक मंडळाचे संस्थापक कै. शिवरामजी पवार यांच्या पुण्यस्मरण दिनानिमित्त व कै.शिवरामजी पवार मंगल कार्यालय कंधारच्या नूतन भव्य इमारतीचे उद्घाटन व सर्व जातीधर्मीय सामुदायिक विवाह सोहळ्याचे आयोजन *१४ मार्च रोजी सकाळी ११ वाजता कै. शिवरामजी पवार मंगल कार्यालय घोडज रोड*
कंधार येथे करण्यात आले आहे.
या सर्व धर्मीय सामूहिक विवाह सोहळ्यामध्ये नऊ जोडप्यांनी आपली विवाह नोंदणी केली असून या विवाह सोहळ्यासाठी पवार कुटुंबीयांच्या वतीने वधूस मनी मंगळसूत्र, मंगल कार्यालयाची सोय, राहण्याची सोय व वऱ्हाडी मंडळी सहित निमंत्रित पाहुणे मंडळींना उत्तम भोजनाची व्यवस्था करण्यात आली आहे.
पवार कुटुंबीय आयोजित सर्व धर्मीय सामूहिक विवाह सोहळ्यातील नववधूवरांना शुभ आशीर्वाद देण्यासाठी व विवाह सोहळ्याची शोभा वाढविण्यासाठी वधू-वरांचे नातेवाईक, सामाजिक, राजकीय, शैक्षणिक क्षेत्रातील मान्यवर व नागरिकांनी मोठ्या संख्येने उपस्थित राहून शुभ आशीर्वाद द्यावेत असे आवाहन डॉ. विजय शिवरामजी पवार, डॉ. संजय शिवरामजी पवार, डॉ. राजेंद्र शिवरामजी पवार, सौ. जयश्री शरमन चव्हाण यांनी केले आहे.
सत्यपालाची सत्यवाणी गर्जणार.! गोरगरीब बहुजन समाजातील विवाहबद्ध होणाऱ्या नऊ नव दाम्पत्यांना आशीर्वाद देण्यासाठी महाराष्ट्रातील संत तुकडोजी महाराजांचा, संत गाडगे महाराज यांच्या विचाराचा वारसा घेऊन महाराष्ट्रभर अंधश्रद्धा निर्मूलनाचा ध्यास घेऊन अहोरात्र समाज प्रबोधनासाठी जनजागृती करणारे प्रख्यात वक्ते, खंजिरी वादक सत्यपाल महाराज यांच्या प्रबोधनात्मक सत्यवाणीचे आयोजन सकाळी ठीक १० वाजता या सर्व धर्मीय सामूहिक विवाह सोहळ्याप्रसंगी करण्यात आलेले आहे.
