नांदेड l विख्यात दिवंगत गायिका किशोरीताई अमोणकरांच्या गुरू शिष्य परंपरेतील आघाडीचे गायक कलावंत म्हणजे पं. रघुनंदन पणशीकर… संगीतसमारोहाच्या पहिल्या दिवसाची सांगता त्यांच्या शिखर मैफलीचे झाली.त्यांचे सादरीकरण जयपूर-अत्रौली घराण्याची परंपरा,नवता आणि साधनेचे प्रगटीकरण होते. हळुवार नजाकतपुर्ण गायकीसाठी ओळखल्या जाणा-या पणशीकरांचा पल्लेदार जोरकस मालकंस त्यांची वेगळी ओळख देवून गेला.
मैफलीसाठी त्यांनी निवडलेला मालकंस सारखा मर्दानी राग आळवितांना त्यांनी रसिकांना स्वरांच्या हिंदोळ्यावर झुंजविले म्हटल्यास अतिशयोक्ती ठरणार नाही.तासाभराच्या शास्त्रीय गायनानंतर ‘पद्मनाभा नारायणा’ हा त्यांची फेवरेट अभंग ऐकवून मैफलीस पुर्णविराम दिला.
त्यांना तबला संगत भरत कामत हार्मोनियम संगत सौमित्र क्षिरसागर,अपर्णाताई पणशीकर यांची होती.प्रारंभी कलावंतांचे स्वागत महापौर कविता मुळे,संजय जोशी यांनी केले.सुत्रसंचालन प्रा.डाॅ.विश्वाधार देशमुख यांनी केले.
