सुमेधराज (कांबळे) हिंदोळकर यांची केंद्रीय राजपत्रित अधिकारी वर्ग- १ पदी निवड -NNL
नवीन नांदेड। केंद्रीय राजपत्रित अधिकारी वर्ग- १ या पदावर सुमेधराज गंगाधर (कांबळे)हिंदोळकर यांची निवड झाली असून मित्र मंडळ व परिवारातील सदस्य यांनी अभिनंदन केले आहे.
नांदेड मर्चटस बॅक शाखा सिडको चे शाखाधिकारी श्री गंगाधर यादवराव कांबळे यांचे जेष्ठ पुत्र सुमेधराज यांनी शालेय प्राथमिक व माध्यमिक शिक्षणात अग्रेसर राहुन पुर्वी पासूनच शिक्षणातील असलेली आवड व विविध स्पर्धा परिक्षा मध्ये मिळालेल्या यशामुळे ,गुणवतेमुळे श्री.गुरु गोविंद सिंघजी अभियांत्रिकी महाविद्यालय विष्णुपुरी नांदेड येथे बि.टेक चे शिक्षण पूर्ण झाले तर गेट परिक्षेत भारतातून ७५ वा ऑल इंडिया रँक आला होता, त्यानंतर आय आय टी दिल्ली येथे एम.टेक चे शिक्षण पुर्ण झाले.
सध्या श्री गुरु गोविंदसिंगजी अभियंत्रीकी महाविद्यालय नांदेड येथे सहाय्यक प्राध्यापक म्हणून कार्यरत आहे. त्यांनी प्रि,मेन्स परीक्षा उत्तीर्ण झाल्यानंतर एप्रिल २०२४ मध्ये मुलाखत घेण्यात आली. व त्यानुसार १६ जुन २०२४ रोजी केंद्रीय राजपत्रित अधिकारी वर्ग-१ पदी निवड झाली आहे. या निवडीबद्दल श्री. गुरु श्री.गुरुगोविंदसिंगजी अभियांत्रिकी महाविद्यालय येथील संचालक ,प्राध्यापक व मित्र परिवार शालेय शिक्षक अतुल राजुरकर यांनी अभिनंदन केले आहे.
