नवीन नांदेड l एस.जी.एस.अभियांत्रिकी व तंत्रशास्त्र महाविद्यालय विष्णुपुरी नांदेड येथून सन २०२१-२२ मध्ये स्थापत्य अभियांत्रिकी पदवी प्राप्त केलेली विद्यार्थिनी कु. पायल सुरेश पवार हिने नुकत्याच झालेल्या महाराष्ट्र लोकसेवा आयोग परीक्षेत दैदिप्यमान यश मिळविले आहे. या नंतर पहिल्यांदाच तीने संस्थेस दिनांक ११.०९.२०२५ रोजी भेट दिली. या भेटीच्या वेळी संस्थेच्या वातीने तिचा सत्कार करण्यात आला. सदर विद्यार्थिनीने महाराष्ट्र लोकसेवा आयोग परीक्षेत डी.टी.ए. प्रवर्गातून मुलीमध्ये राज्यात दुसरा क्रमांक पटकावलेला आहे.
संस्थेच्या नियामक बैठक कक्षात झालेल्या कार्याक्रमात संस्थेच्या वतीने संस्थेचे संचालक डॉ. मनेश कोकरे यांनी कु.पायल सुरेश पवार हिचा सत्कार केला. या वेळी संस्थेतील विविध अधिष्ठाता, विभाग प्रमुख व प्राध्यापक व वडील श्री सुरेश पवार हे उपस्थितीत होते. कु. पायल सुरेश पवार हिने घरची परिस्थिती बेताचीच असतानाही मेहनत व जिद्द कायम ठेवत यशाला गवसणी घातलेली आहे.
सन २०२१-२२ मध्ये स्थापत्य अभियांत्रिकी पदवी प्राप्त केल्यानंतर काही काळ पुणे येथे महाराष्ट्र लोकसेवा आयोग परीक्षेची तयारी करून नंतर घरीच परीक्षेची तयारी करत (प्री व मेन या दोन्ही परीक्षेत) पहिल्या प्रयत्नातच तीने हे यश संपादन केले.सहाय्यक अभियंता, सार्वजनिक बांधकाम विभाग (Assistant Engineer, Public Works Department) या पदावर तिची निवड झालेली आहे. या निवडी बद्धल संस्थेचे नियामक मंडळ,संचालक डॉ.मनेश ब.कोकरे, सर्व अधिष्ठाता,विभाग प्रमुख, प्राध्यापक,कर्मचारी व विद्यार्थी यांचे कडून तिचे अभिनंदन करण्यात येत आहे.
