नांदेड| महाराष्ट्र शासनाचा राज्यस्तरीय आदर्श शिक्षक पुरस्कार .नांदेड जिल्ह्यातील जि प केंद्र शाळा करंजी तालुका माहूर, येथील प्राथमिक शिक्षिका यांना आदिवासी विभागात केलेल्या शैक्षणिक व सामाजिक क्षेत्रातील उल्लेखनीय कार्याबद्दल, महाराष्ट्र शासन शालेय शिक्षण विभागा कडून सन 2023- 24 करिता क्रांतीज्योती सावित्रीबाई फुले राज्यशिक्षक गुणगौरव पुरस्कार प्रदान करण्यात आला .
शिक्षक दिनानिमित्त दिनांक 5 सप्टेंबर 2024 रोजी मुंबई येथे आयोजित शिक्षण गुणगौरव पुरस्कार सोहळ्यांतर्गत महाराष्ट्राचे मुख्यमंत्री मा.ना.श्री एकनाथजी शिंदे साहेब, शालेय शिक्षण व मराठी भाषा विभाग मंत्रीमा.ना.श्री दीपक केसरकर साहेब व विधानसभा अध्यक्ष मा.ना. श्री राहुल नार्वेकर साहेब, शालेय शिक्षण विभागाचे प्रधान सचिव मा.ना. आय.ए. कुंदन,मॅडम तसेच शालेय आयुक्त मा.ना. सुरज मांढरे साहेब आदी उपस्थित होते .
मीरा परोडवाड यांची एक आदर्श उपक्रमशील शिक्षिका म्हणून सर्वत्र ओळख आहे .शिक्षण क्षेत्रात तंत्रज्ञानाचा प्रभावी वापर करून प्राथमिक मराठी शाळांना आकर्षक बनवण्यासाठी ,लोकसहभागातून डिजिटल शाळा तयार करून प्रभावी अध्यापन करत आहेत. इंग्रजी माध्यमांच्या शाळेचे लोन सर्वत्र पसरले असतानाही आपल्या मराठी माध्यमांच्या शाळा कुठेही मागे राहू नये यासाठी सतत मराठी ,इंग्रजी, गणित विषयाचे विविध छोटे छोटे उपक्रम तयार करून प्रभावीपणे त्यांचा वापर करून शंभर टक्के गुणवत्ता विकास करण्यासाठी मॅॅडम सतत प्रयत्नशील असतात .
एवढेच नाही तर आपण तयार केलेले उपक्रम उदाहरणात ‘चला बारा दिवसात वाचूया लिहूया’ ,पाच दिवसात इंग्रजी वाचन ,एक गणित सात क्रिया ,विषय तुमचा निबंध आमचा ,दररोज परिपाठात इंग्रजी शब्द ,इंग्रजी वाक्यांचा सराव करणे. असे विविध उपक्रम मॅडम सतत शाळेत राबवत असतात तसेच इतर शिक्षकांना प्रेरणा मिळावी म्हणून प्रशिक्षणाच्या माध्येमातून तसेच युट्यूब द्वारे माहीती देत आसतात. मॅडमांच्या ‘ चला बारा दिवसात वाचू या लिहू या ! या राज्यस्तरीय नाविन्यपूर्ण शोधनिबंधाला विद्या प्राधिकरण महाराष्ट्र राज्य पुणे यांच्याकडून ‘गुणगौरव सोहळा नव उपक्रमशील शिक्षकांचा’ म्हणून प्रमाणपत्र देऊन सन्मानित करण्यात आले आहे. तसेच मॅॅडमांंनी बालभारती पुणे येथे समीक्षक म्हणून काम केले आहे. व त्या आता सध्याला सन 2024 -25 करिता पाठ्यपुस्तक मंडळाच्या मराठी विषय समितीवर सदस्य म्हणून कार्य करत आहेत. तसेच मॅडमांनी सर्व विषयांच्या मास्टर ट्रेनर म्हणून जिल्हास्तरावर प्रभावी कार्य केले आहेत. मॅडम या आधी धुळे जिल्ह्यातही आदिवासी 100% विद्यार्थी असणाऱ्या शाळेत अतिशय प्रभावशाली कार्य केल्या आहेत. कोविड-19 काळातही एकही दिवस अध्यापनात खंड न पडू देता ऑनलाईन व ऑफलाइन शिक्षण देऊन 100% मुलांचे अध्ययन करून घेतले होते.
मीरा मॅडमाच्या कार्याचे एक वैशिष्ट्य म्हणजे की मॅडम यांना ‘झाड ,झाडू ,खडू ,या तीन गोष्टी खूप आवडतात म्हणून मॅडम ज्याही शाळेत जातात तेथे वृक्ष लागवड करणे व ते100% जगवण्यासाठी प्रयत्न करतात .तसेच मॅडम आपली शाळा ,आपले गाव स्वच्छ ,सुंदर दिसावे म्हणून सतत प्रयत्नशील राहतात. अनेक वेळेस मॅडम स्वतः वर्ग ,शालेय परिसर स्वच्छता करतात. मॅडमांचा आदर्श समोर ठेवून मॅडमांचे विद्यार्थीही ,मॅडमांचे अनूकरण करत असतात. तसेच मॅडम बालविवाह निर्मूलन चॅम्पियन म्हणून कार्य करत आहेत .परोडवाड मॅडमांच्या अशा उत्कृष्ट कार्याची दखल घेऊन आतापर्यंत अनेक शैक्षणिक व सामाजिक संघटनांनी मॅडमाना पुरस्कार देऊन सन्मानित करण्यात आले आहे.
मॅडमांना क्रांतीज्योती सावित्रीबाई फुले हा पुरस्कार मिळाल्याबद्दल नांदेड जिल्ह्याच्या धुळेज्ल्हाच्या शिक्षण अधिकारी मॅडमांनी अभिनंदन केले आहे.तसेच गटशिक्षणाधिकारी ,विस्तार अधिकारी, शाळेचे मुख्याध्यापक, शिक्षक बांधव ,गावचे सरपंच, पालक, शालेय व्यवस्थापन समितीचे सदस्य व अध्यक्ष, ग्रामस्थ ,विद्यार्थी तसेच नातेवाईक ,मैत्रिणी परिवारातील सदस्य अशा सर्वांनी मॅडमाना फोन करून , तसेच प्रत्यक्ष अप्रत्यक्ष भेटून ,मॅडमांचे अभिनंदन केले आहे.