कोठा तांडा येथील जिल्हा परिषद शाळेला सहा दिवसापासून कुलुप; शिक्षणविभागाच्या अनास्थेबाबत पालकवर्ग नाराज – NNL
हिमायतनगर,अनिल मादसवार| विदर्भ मराठवाड्याच्या सीमेवरील हिमायतनगर तालुक्यातील पैनगंगा नदी काठावरील मौजे कोठा तांडा येथील जिल्हा परिषद शाळेला शिक्षक नसल्याने संतप्त ग्रामस्थांनी दि.१८ रोजी शाळेला कुलूप ठोकून शिक्षण विभागाच्या नाकर्तेपणा व भोंगळ कारभाराचा निषेध केला. त्यानंतर शिक्षण विस्तार अधिकाऱ्यांनी भेट दिली मात्र जोपर्यंत किमान दोन शिक्षक दिले जात नाही तोपर्यंत शाळा उघडू देणार नाही. असा पवित्र पालकांनी घेऊन शिक्षक देता येत नसतील तर आमच्या पाल्यांच्या टि.सी. आम्हास परत द्या अशी कडक भूमिका घेतली आहे. दरम्यान कुलूप लावून सहा दिवस लोटले परंतु शिक्षक देण्यास शिक्षणविभागाची अनास्था दिसून येत असल्याबाबत पालकवर्गातून नाराजी व्यक्त केली जात आहे.
हिमायतनगर तालुका शिक्षण व्यवस्था ढासळली आहे, त्यामुळे बहुतांश पालक वर्गांचा कल खाजगी शिक्षणाकडे वळत आहे. मात्र ग्रामीण भागात हि सुविधा नसल्याने बहुतां...