Shri Parmeshwar Mandir Trust distributes sarees -

हिमायतनगर (उत्कर्ष मादसवार) श्री परमेश्वर मंदिरात अश्विन शुद्ध पौर्णिमा म्हणजेच कोजागिरी पौर्णिमेच्या दुसऱ्या दिवसापासून सुरू झालेल्या काकड आरती कार्यक्रमात सहभागी झालेल्या महिलांचा गौरव करण्यासाठी आज, गुरुवारी श्री परमेश्वर मंदिर ट्रस्टतर्फे साड्यांचे वितरण करण्यात आले. गृहिणी पहाटे सडा-सारवण करून, रांगोळीने घराची शोभा वाढवून शहरातून येणाऱ्या काकडा दिंडीचे स्वागत करतात. तर अनेक महिला मंडळी श्री परमेश्वर सह शहरातील इतर मंदिरात जाऊन काकडा आरतीत सहभागी होतात. विविध भक्तिगीते व आरत्या गात ग्रामस्थांना जागविण्याची ही एक सांप्रदायिक परंपरा जोपासत आहे. दरवर्षीप्रमाणे यंदाही श्री परमेश्वर मंदिरात आयोजित काकड आरती उपक्रमाला महिलांचा उत्स्फूर्त प्रतिसाद मिळत असून, भक्तिभावाने आरती, भजन आणि प्रार्थनेत सहभाग घेणाऱ्या महिलांचा सन्मान म्हणून साड्यांचे वाटप करण्यात आले. या प्रसंगी ट्रस्टच्या पदस...