Revenue Grievance Redressal Camp’ -

हिमायतनगर, अनिल मादसवार| प्रशासन अधिक लोकाभिमुख करून शासकीय सेवा थेट नागरिकांपर्यंत पोहोचविण्याच्या उद्देशाने राबविण्यात येणाऱ्या ‘छत्रपती शिवाजी महाराज महसूल समाधान शिबिर’ या विशेष मोहिमेचा शुभारंभ हिमायतनगर तालुक्यातील मौजे जवळगाव येथे उत्साहात पार पडला. हा कार्यक्रम हदगाव-हिमायतनगर मतदारसंघाचे आमदार बाबुराव कदम कोहळीकर यांच्या उपस्थितीत संपन्न झाला. या मोहिमेच्या माध्यमातून महसूल विभागाच्या विविध सेवा, दाखले-प्रमाणपत्रे, जमीन विषयक अभिलेखे तसेच विविध शासकीय योजनांचा लाभ नागरिकांपर्यंत अधिक सुलभ व सोप्या पद्धतीने पोहोचविण्याचा शासनाचा प्रयत्न आहे. नागरिकांना शासकीय सेवा एकाच ठिकाणी उपलब्ध करून देत प्रशासन व जनता यांच्यातील दुवा अधिक मजबूत करण्याचा उद्देश या शिबिरामागे असल्याचे यावेळी सांगण्यात आले. यावेळी उपस्थितांना मार्गदर्शन करताना आमदार बाबुराव कदम कोहळीकर यांनी नागरिकांना आवाह...