of Nanded for Chief Minister Majhi Ladaki Bahin Yojana -

नांदेड| नांदेड जिल्ह्यातील ग्रामीण भागामध्ये प्रत्येक ग्रामपंचायतमध्ये मुख्यमंत्री माझी लाडकी बहीण योजनेसाठी कॅम्प ( शिबीर ) लावण्यात आले आहे. कार्यालयीन वेळेतील या कॅम्पमध्ये सर्व पात्र महिलांनी अर्ज दाखल करावे,असे आवाहन जिल्हा परिषदेच्या मुख्य कार्यकारी अधिकारी मीनल करणवाल यांनी केले आहे. जिल्हाभरातील आपल्या महिला भगिनींसाठी आज जाहीर करण्यात आलेल्या एका व्हिडिओ संदेशामध्ये त्यांनी कोणत्याही बाहेरच्या व्यक्तीच्या,मध्यस्थाच्या आमिषाला बळी न पडता कोणाला एक पैसा ही न देता सरळ सरळ ग्रामपंचायतमध्ये लागलेल्या कॅम्पमध्ये महिलांनी आपले अर्ज दाखल करावे, असे आवाहन केले आहे. प्रत्येक ग्रामपंचायत मध्ये 11 ते 2 या वेळेमध्ये अंगणवाडी सेविका सर्वांचे अर्ज स्वीकारणार आहे.त्यामुळे सर्वांनी या काळात ग्रामपंचायत कार्यालयात जाऊन आपल्या अर्ज ऑफलाइन पद्धतीने द्यावे. अर्ज भरण्यासाठी अत्यंत सोपी पद्धत असून...