Nanded Municipal Commissioner : नांदेड महानगरपालिका सार्वत्रिक निवडणूकीच्या पार्श्वभूमीवर मनपा आयुक्तांनी घेतली आढावा बैठक
नांदेड| महाराष्ट्र शासनाच्या नगरविकास विभागाने दिनांक 10.06.2025 रोजी काढलेल्या आदेशानुसार “ड” वर्ग महापालिकांची प्रभाग रचना करण्याचे निर्देश दिलेले आहेत. त्याअनुषंगाने *मनपा आयुक्त तथा प्रशासक डॉ. महेशकुमार डोईफोडे* यांनी महापालिकेच्या निवडणूक विभागाचा आढावा दिनांक 11.06.2025 रोजी आयोजित बैठकीत घेतला.
सन 2022 चा महाराष्ट्र अधिनियम क्र.21 दिनांक 11.03.2022 नुसार पालिका सदस्यांच्या निवडणूकीच्या प्रयोजनासाठी प्रत्येक शहर ज्या प्रभागात विभागले जाईल त्या प्रभागांची संख्या व सीमा राज्य शासन, राज्य निवडणूक आयुक्तांच्या मान्यतेने अशी अधिसूचनेद्वारे वेळोवेळी विनिर्दिष्ट करील अशी तरतूद करण्यात आलेली आहे. त्याअनुषंगाने महापालिकेची प्रभाग रचना राज्य शासन, राज्य निवडणूक आयुक्त यांच्या मान्यतेने करावयाची असल्याबाबत आयुक्त यांनी यावेळी सांगितले.
तसेच सन 2022 चा महाराष्ट्र अधिनियम क्र.43, दिनांक 08...