Tag: Mangarul himayatnagar

हिमायतनगर| तालुक्यातील मंगरूळ येथे अनैतिक संबंधाच्या संशयातून माजी सरपंचावर प्राणघातक हल्ला झाल्याची घटना उघडकीस आली आहे. या प्रकरणी पोलिसांनी दत्तक पुत्र व त्याच्या मैत्रिणीला अटक केली असून न्यायालयाने दोघांना पाच दिवसांची पोलीस कोठडी सुनावली आहे. घटनेनुसार, १६ फेब्रुवारीच्या मध्यरात्री माजी सरपंच शेतात झोपलेले असताना आरोपींनी लोखंडी पाइपने डोक्यावर सपासप वार केल्याचा आरोप आहे. गंभीर जखमी अवस्थेत त्यांना प्रथम हिमायतनगर येथील रुग्णालयात दाखल करण्यात आले. प्रकृती चिंताजनक असल्याने पुढील उपचारासाठी नांदेड येथे हलविण्यात आले असून ते अद्याप बेशुद्ध अवस्थेत असल्याची माहिती सूत्रांनी दिली. प्राथमिक चौकशीत अनैतिक संबंधाच्या वादातून कट रचून हल्ला करण्यात आल्याचा संशय पोलिसांनी व्यक्त केला आहे. घटनेनंतर गावात तणावाचे वातावरण निर्माण झाले असून नागरिकांमध्ये खळबळ उडाली आहे. या प्रकरणी हिमाय...