Irregularities in the construction of hostels -

हिमायतनगर,अनिल मादसवार| शहरापासून एक किमी अंतरावर असलेल्या राष्ट्रीय महामार्गावरील घारापुर वळण रस्त्याजवळ आदिवासी विकास प्रकल्प अंतर्गत आदिवासी समाजातील विद्यार्थ्यांच्या वस्तीगृहाचे बांधकाम कोट्यवधी रुप्याच्या निधीतून सुरु आहे. शासनाने मंजूर केलेल्या निधीचा योग्य वापर होत नसल्याचे इमारतीच्या अनियमित बांधकामावरुन दिसून येत आहे. एव्हढेच नाहीतर या ठिकाणी माहितीचा बोर्ड देखील लावण्यात आला नसून, भेट रजिस्टर मेंटेनं केले जात नसल्याने आदिवासी समाजातील विद्यार्थ्यांचा शैक्षणिक विकास कामात मोठी हेराफेरी केली जात असल्याचा संशय वंचित बहुजन आघाडीचे नेते दिलीप आला राठोड यांनी पत्रकारांशी बोलताना व्यक्त केली आहे. मागील आठ महिन्यापूर्वी हिमायतनगर तालुक्यातील तामसा - फुलसांगवी राष्ट्रीय महामार्गावरील घारापुर वळण रस्त्याजवळ आदिवासी विकास प्रकल्प विभागाअंतर्गत आदिवासी समाजातील विद्यार्थ्यांच्या वस्त...