District Collector Rahul Kardile : महाराष्ट्र जमीन महसूल संहितेत महत्त्वपूर्ण सुधारणा लागू : जिल्हाधिकारी राहुल कर्डिले
नांदेड| महाराष्ट्र शासन राजपत्र असाधारण भाग चार, सन 2025 चा महाराष्ट्र अधिनियम क्रमांक 57 महाराष्ट्र जमीन महसूल संहिता 1966 यामध्ये आणखी सुधारणा करण्यासाठीचा अधिनियम 31 डिसेंबर 2025 रोजी प्रसिद्ध करण्यात आला आहे.
या निर्णयामुळे दुहेरी परवानगी प्रक्रिया टळणार असून नागरिकांची वेळ व आर्थिक बचत, वार्षिक करपद्धती ऐवजी सुलभ एकरकमी अधिमूल्य, प्रशासनात पारदर्शकता व सुसूत्रता राहणार आहे. याबाबतचा शासन निर्णय महाराष्ट्र शासनाच्या संकेतस्थळावर उपलब्ध असून 31 डिसेंबर 2025 पासून लागू असलेल्या सुधारणा तरतुदींनुसार कार्यवाही करण्यात येणार आहे, असे आवाहन जिल्हाधिकारी राहुल कर्डिले यांनी केले आहे.
या अधिनियमान्वये महाराष्ट्र जमीन महसूल संहिता (दुसरी सुधारणा अधिनियम 2025 (57/2025) अन्वये महाराष्ट्र जमीन महसूल संहिता 1966 ची कलमे 42 अ, 42 ब, 42 क, 42 ड व कलम 44, 44 अ, 45, 46 व 47 अ वगळण्यात आली आहेत.
...