Honorarium of 'Aaple Sarkar Seva Kendra' coordinators has been delayed; Warning -

नांदेड/पुणे| ‘आपले सरकार सेवा केंद्र’ या प्रकल्पांतर्गत कार्यरत असलेल्या तालुका व जिल्हा समन्वयकांचे मागील आठ महिन्यांपासून मानधन थकले असून त्यामुळे अनेकांवर आर्थिक संकट कोसळले आहे. तर, अजूनही नियुक्ती न मिळालेल्या समन्वयकांच्या कुटुंबांवर उपासमारीची वेळ आली आहे. या दुहेरी संकटामुळे संतप्त झालेल्या समन्वयकांनी ३ नोव्हेंबरपासून पुणे येथील राष्ट्रीय ग्राम स्वराज अभियान कार्यालयासमोर आंदोलन करण्याचा इशारा दिला आहे. गेल्या १४ वर्षांपासून ग्रामविकास विभागाच्या ‘संग्राम’ व ‘आपले सरकार सेवा केंद्र’ या प्रकल्पांतर्गत हे समन्वयक पंचायत समिती स्तरावर उत्तम व्यवस्थापन व तांत्रिक काम सांभाळत आहेत. मात्र, जुलै २०२४ ते फेब्रुवारी २०२५ या काळात नियुक्ती न मिळूनही त्यांनी विना पगारी काम केले. नंतर मार्च २०२५ मध्ये काहींना नियुक्ती दिली गेली, तर काही तालुक्यांतील समन्वयक अजूनही नियुक्तीविना आहेत. निय...