पुढील गुलाल आपलाच आहे – माजी उपनगराध्यक्ष सुनील भाऊ सोनुले
हदगाव, शेख चांदपाशा| हदगाव शहरातील जनतेने सलग दोन वेळा एकहाती सत्ता देऊन काँग्रेसवर दाखवलेला विश्वास सार्थ ठरवण्याची जबाबदारी प्रत्येक पदाधिकाऱ्यांची आहे. नागरिकांच्या विविध प्रश्नांना प्राधान्य देत वार्डा-वार्डात जाऊन काम करण्याचे स्पष्ट निर्देश काँग्रेस नेते व माजी उपनगराध्यक्ष सुनील सोनुले यांनी दिले.
आगामी पालिका निवडणुकी च्या पार्श्वभूमीवर काँग्रेस पक्ष कार्यालयात झालेल्या बैठकीत ते बोलत होते. या बैठकीस शहरातील काँग्रेसचे प्रमुख पदाधिकारी, माजी नगरसेवक व कार्यकर्ते मोठ्या संख्येने उपस्थित होते. सुनील सोनुले यांनी स्पष्ट केले की, काँग्रेसचा विजय निश्चित असून, "गुलाल आपलाच आहे", या शब्दांत कार्यकर्त्यां मध्ये नवचैतन्य निर्माण केले.
जनतेच्या अपेक्षा पूर्ण करण्यासाठी सर्वांनी संघटित होऊन प्रयत्नशील राहावे, असे ते म्हणाले. या बैठकीत नागरिकांच्या विविध समस्या मांडण्यात आल्या. त्यामध्य...