Engineering and medical entrance training -

नांदेड, दि. २० फेब्रुवारी : महाराष्ट्र राज्यातील अनुसूचित जमातीच्या विद्यार्थ्यांना दहावीनंतर अभियांत्रिकी व वैद्यकीय प्रवेश परीक्षांसाठी दोन वर्षांचा विशेष प्रशिक्षण कार्यक्रम राबविण्यात येणार आहे. नामवंत खाजगी प्रशिक्षण संस्थांच्या सहकार्याने निवडलेल्या शासकीय आश्रमशाळांमध्ये हे मार्गदर्शन दिले जाणार आहे. आदिवासी विकास विभागांतर्गत येणाऱ्या शासकीय व अनुदानित आश्रमशाळा, एकलव्य मॉडेल रेसिडेन्शियल स्कूल (EMRS) तसेच मान्यता प्राप्त खाजगी माध्यमिक शाळांमध्ये इयत्ता ११ वी व १२ वीमध्ये शिक्षण घेणाऱ्या विद्यार्थ्यांना सीईटी (CET), जेईई (JEE) व नीट (NEET) या प्रवेश परीक्षांची तयारी करून देण्याचा उद्देश आहे. यामुळे शासकीय वैद्यकीय, अभियांत्रिकी महाविद्यालये व आयटीआयमध्ये अधिकाधिक विद्यार्थ्यांना प्रवेश मिळणे सुलभ होणार आहे. प्रवेश क्षमता प्रत्येक केंद्रावर इयत्ता ११ वी साठी: CET/JEE – ५० विद्य...