Ashadhi Ekadashi Vitthal Rukmai and Shri Parameshwar Darshan | आषाढी निमित्ताने वाढोण्याच्या मंदिरात विठ्ठल रुक्माई व श्री परमेश्वर दर्शनासाठी सकाळपासून भाविक भक्तांची गर्दी – NNL
हिमायतनगर, अनिल मादसवार| पाऊस पाणी चांगला पडू दे.. शेतकऱ्यांची घरे धनधान्याने भरू दे... सर्वाना सुख समृद्ध ठेव असे साकडे घालत आषाढी एकादशीच्या निमित्ताने हिमायतनगर वाढोणा येथील श्री परमेश्वर मंदिरातील विठ्ठल रुक्माई व श्री परमेश्वराचं दर्शनासाठी सकाळपासून हजारो भाविक भक्तांनी गर्दी केली होती.
आषाढी एकादशी म्हणजे वारकरी संप्रदायातील महिलां - पुरुषांसाठी आनंदाची पर्वणी आहे. साक्षात विठू माऊलींचे दर्शन घेऊन जीवन सफल करण्याच्या उद्देशाने लाखो भक्त पंढरपूरला रवाना होतात. आणि देव शयनी एकादशीच्या पावन पर्वावर उपवास धरतात. त्याच पार्श्वभूमीवर प्रतिवर्षाप्रमाणे याही वर्षी आषाढी एकादशीचे औचित्य साधुन ॐ कार संस्था पुणे निर्मित प्रस्तुत " पंढरीची वारी " या अभंगवाणी व भक्ती संगीताचा विशेष कार्यक्रम हिमायतनगर येथील श्री परमेश्वर मंदिरातील सभागृहात दुपारी 2 ते 4.30 दरम्यान आयोजित करण्यात आला आहे.
...