Candidates' social media accounts -

नांदेड, अनिल मादसवार| नांदेड लोकसभा पोटनिवडणूक व विधानसभा सार्वत्रिक निवडणुकीला गती आली असून आता उद्या 30 ऑक्टोबर रोजी छाननी व 4 नोव्हेंबर पर्यंत अर्ज परत घेतले जाणार आहेत. या उमेदवारांना अर्ज दाखल करतांना त्यांचे कोणते समाज माध्यम आहेत हे देखील नमूद करावे लागते. या सर्व समाज माध्यमांची दररोज तपासणी एमसीएमसीच्या समाज माध्यम शाखेकडून होणार आहे. त्यामुळे उमेदवारांनी आचारसंहितेचा भंग होणार नाही याची काळजी घेण्याचे आवाहन प्रशासनाने केले आहे. लोकसभा पोटनिवडणूक व विधानसभा सार्वत्रिक निवडणुकीत एकदा उमेदवार निश्चित झाल्यानंतर उमेदवारांची जबाबदारी वाढणार आहे. भारत निवडणूक आयोगाने खर्च, प्रसिद्धी, प्रचार, सभा, रॅली, प्रचाराचा कालावधी, वृत्तपत्रात द्यावयाच्या जाहिराती, समाज माध्यमांवरील जाहिराती तसेच आदर्श आचारसंहितेचे पालन करण्याबाबत कडक नियम केले आहेत. नांदेड जिल्ह्यामध्ये याची प्रभावी अंमलबजावण...