Bhoomi Pujan ceremony was held -

हिमायतनगर, अनिल मादसवार| नांदेड जिल्ह्यातील पिंपळगाव येथे दि. २० मार्च ते २७ मार्च दरम्यान आयोजित करण्यात येणाऱ्या भव्य श्रीराम कथा सोहळ्यानिमित्त उभारण्यात येणाऱ्या कथा मंडपाचे भूमिपूजन बुधवारी बालयोगी व्यंकट स्वामी महाराज यांच्या पावन हस्ते भक्तिमय वातावरणात संपन्न झाले. वेदघोष, मंत्रोच्चार आणि जयघोषाच्या निनादात पार पडलेल्या या सोहळ्याने परिसरात अध्यात्मिक उर्जा संचारली. पंचक्रोशीतील भाविक मोठ्या संख्येने उपस्थित राहून या मंगल प्रसंगाचे साक्षीदार ठरले. राधाकृषणजी महाराज जोधपूर यांच्या मधुर वाणीत भव्य श्रीराम कथा पार पडणार असून, यां धार्मिक सोहळ्याची जय्यत तयारी सुरु करण्यात आली आहे. यावेळी बोलताना बालयोगी व्यंकट स्वामी महाराज यांनी, “श्रीराम कथा ही केवळ धार्मिक कार्यक्रम नसून समाजाला सदाचार, संस्कार आणि एकतेचा संदेश देणारी प्रेरणादायी पर्वणी आहे. सर्वानी गतवर्षी चांगली सेवा दिली...