An appeal to take -

नांदेड, अनिल मादसवार| ‘हिंद दी चादर’ श्री गुरु तेग बहादूर साहिबजी यांच्या ३५० व्या शहीदी समागमाचा कार्यक्रम केवळ नांदेडपुरता मर्यादित न राहता जागतिक स्तरावर पोहोचावा, यासाठी सर्व प्रशासकीय यंत्रणांनी समन्वयाने, काटेकोर नियोजनासह जबाबदारीने काम करावे, असे स्पष्ट निर्देश नगरविकास, परिवहन, सामाजिक न्याय, वैद्यकीय शिक्षण, अल्पसंख्याक विकास व औकाफ राज्यमंत्री माधुरी मिसाळ यांनी दिले. नांदेड येथे २४ व २५ जानेवारी २०२६ रोजी होणाऱ्या भव्य शहीदी समागम कार्यक्रमाच्या तयारीचा सविस्तर आढावा राज्यमंत्री मिसाळ यांनी व्हिडिओ कॉन्फरन्सिंगद्वारे घेतला. या बैठकीस संबंधित जिल्ह्यांचे जिल्हाधिकारी, राज्यस्तरीय समितीचे समन्वयक रामेश्वर नाईक, समिती अध्यक्ष डॉ. विजय सतबीर सिंग, विभागीय माहिती उपसंचालक, जिल्हा माहिती अधिकारी तसेच विविध विभागांचे वरिष्ठ अधिकारी उपस्थित होते. राज्यमंत्री मिसाळ म्हणाल्या की, भ...