नवीन नांदेड l डिसेंबर २०२४ मध्ये घेण्यात आलेल्या राष्ट्रीय आर्थिक दुर्बल घटक विद्यार्थ्यांसाठी घेतलेल्या शिष्यवृत्ती योजना (एनएमएमएस) परीक्षेत जनता शिक्षण प्रसारक मंडळ उमरदरी संचलित शिवाजी विद्यालय सिडको नांदेड या शाळेने उल्लेखनीय यश प्राप्त केले. या शाळेचे ३४ विद्यार्थी उत्तीर्ण झाले तर ७ विद्यार्थ्यांची राष्ट्रीय शिष्यवृत्तीसाठी निवड झाली.
विमुक्त जाती प्रवर्गातून वैभव व्यंकट जाधव,इतर मागास प्रवर्गातून वैष्णवी संतोष जाधव, आर्थिकदृष्ट्या मागास प्रवर्गातून बालाजी दिपक आरगुलवार
खुल्या प्रवर्गातून वरद बालाप्रसाद गुडेवार, इतर मागास प्रवर्गातून शिवहार शंकर स्वामी,अनुसूचित जाती प्रवर्गातून श्रेया श्रीकांत गायकवाड तर खुल्या प्रवर्गातून श्रीनिवास बालाजी बडूरवार हे विद्यार्थी राष्ट्रीय आर्थिक दुर्बल घटक विद्यार्थ्यांसाठी घेतलेल्या शिष्यवृत्ती योजना (एनएमएमएस) साठी पात्र ठरले आहेत.
यावेळी एनएमएमएस शिष्यवृत्तीस पात्र ठरलेल्या व विज्ञान आणि तंत्रज्ञान मंत्रालय, भारत सरकार यांच्या वतीने घेण्यात येणाऱ्या इंन्स्पायर ॲवॉर्ड स्पर्धेत सादर केलेल्या ‘फोल्डेबल लॅपटॉप स्टॅण्ड बीथ कुलिंग फॅन’ या विज्ञान प्रकल्पाची जिल्हास्तरीय स्पर्धेसाठी निवड होऊन शिष्यवृत्तीस पात्र ठरल्याबद्दल दत्तात्रय राघवेंद्र कुलकर्णी या विद्यार्थ्यांचा संस्थेचे उपाध्यक्ष रवी शिवाजीराव जाधव यांच्या हस्ते व शाळेचे मुख्याध्यापक प्रा.साहेबराव देवरे, पर्यवेक्षक व्ही.एस.पाटील,एस.एन.देवकर,प्रा.आर.आर.जाधव,प्रा.आर.आर.शिंदे व शंकर कापसे यांच्या प्रमुख उपस्थितीत यथोचित सत्कार करण्यात आला.
आर्थिक दुर्बल घटकातील प्रज्ञावान विद्यार्थ्यांचा शोध घेऊन त्यांना सर्वोत्तम शिक्षण मिळण्याच्या दृष्टीने आर्थिक सहाय्य या योजनेचा गाभा आहे. या परीक्षेत शिष्यवृत्तीस पात्र ठरलेल्या विद्यार्थ्यांना चार वर्षांसाठी दरमहा १००० रुपये शिष्यवृत्ती मिळणार आहे.यशस्वी विद्यार्थ्यांना शाळेचे सहशिक्षक चंद्रकांत पावडे यांचे मार्गदर्शन लाभले.
या यशाबद्दल जनता शिक्षण प्रसारक मंडळ उमरदरी या संस्थेचे अध्यक्ष शिवाजीराव जाधव ,उपाध्यक्ष रवी जाधव,शाळेचे मुख्याध्यापक प्रा.साहेबराव देवरे,पर्यवेक्षक विकास पाटील,शाळेचे मुख्य लिपिक वसंत वाघमारे,प्रसिद्धी प्रमुख बी.बी.पाटोळे व शिक्षक व शिक्षकेतर कर्मचाऱ्यांनी यशस्वी विद्यार्थी,त्यांचे पालक व मार्गदर्शक शिक्षकांचे अभिनंदन केले.