नांदेड| राष्ट्रवादी काँग्रेस पार्टीच्या शहर सहसचिवपदी इतवारा भागातील सपना जोंधळे निवड करण्यात आली आहे. शहर जिल्हाध्यक्ष जीवन घोगरे पाटील यांच्या हस्ते त्यांना नियुक्तीपत्र देण्यात आले.
राष्ट्रवादी काँग्रेस पार्टीकडून नांदेड शहरामध्ये मोठ्या प्रमाणात संघटन बांधणी सुरू आहे. प्रभागनिहाय कार्यकर्त्यांची कार्यकारिणी आखणी कार्यक्रम सुरू असून राष्ट्रवादी काँग्रेस पार्टीचे शहर जिल्हाध्यक्ष जीवन घोगरे पाटील यांच्या नेतृत्वात शहरामध्ये प्रभागनिहाय कार्यकत्यांच्या बैठका सुरू आहेत.
आगामी महापालिका निवडणुकीच्या अनुषंगाने प्रभागनिहाय, वार्डनिहाय व्युहरचना केली जात आहे. राष्ट्रवादी काँग्रेस पार्टीचे नेते राज्याचे उपमुख्यमंत्री अजित पवार, प्रदेशाध्यक्ष खा. सुनील तटकरे यांच्या मार्गदर्शनाखाली नांदेड शहरात विविध पक्षातील कार्यकर्ते राष्ट्रवादी येण्यासाठी इच्छुक आहेत.
त्या अनुषंगाने पक्ष बळकटीसाठी जीवन घोगरे पाटील हे प्रयत्न करत आहेत. जुन्या नांदेड इतवारा भागातील महिला कार्यकर्त्या सपना जोंधळे यांचे राष्ट्रवादी काँग्रेस पार्टीच्या शहर सहसचिवपदी निवड करण्यात आली. दरम्यान याचवेळी युवक कार्यकर्ते श्रीप्रसाद गुरूपवार यांनाही रोजगार, स्वयंरोजगार सेलच्या दक्षिण विधानसभा अध्यक्षपदी निवड करून नियुक्तीपत्र देण्यात आले.
स्मिता गुज्जरवार यांनी राष्ट्रवादी काँग्रेस पक्षात प्रवेश केला. नवीन पदाधिकारी व पक्ष प्रवेश करणार्या कार्यकर्त्यांना जीवन घोगरे पाटील यांच्याकडून शुभेच्छा देण्यात आल्या. यावेळी शांतीलाल जैन, प्रविण घुले, मयूर कोकरे, संदीप नवघडे आदी कार्यकर्त्यांची उपस्थिती होती.