नांदेड| ग्रामीण भागातील जनसामान्यांना न्यायव्यवस्थेपर्यंत सहज पोहोचता यावे व कोणीही न्यायापासून वंचित राहू नये, या उद्देशाने ‘न्याय आपल्या दारी’ या संकल्पनेअंतर्गत 3 जानेवारी 2026 ते 22 जानेवारी 2026 या कालावधीत फिरत्या लोकअदालतीची मोबाईल व्हॅन नांदेड जिल्ह्यातील प्रत्येक तालुक्यातील गावांना भेट देणार आहे.
3 जानेवारी 2026 रोजी जिल्हा विधी सेवा प्राधिकरणाचे प्रमुख, जिल्हा व सत्र न्यायाधीश तथा अध्यक्ष सुनील वेदपाठक यांच्या हस्ते जिल्हा न्यायालय, नांदेड येथून मोबाईल व्हॅनच्या प्रवास कार्यक्रमास हिरवा झेंडा दाखवून उद्घाटन करण्यात येणार आहे.
मोबाईल व्हॅनचा तालुकानिहाय प्रवास पुढीलप्रमाणे :
3 जानेवारी 2026: लोहा तालुका – मारतळा
5 जानेवारी 2026: कंधार तालुका – कौठा
6 जानेवारी 2026: मुखेड तालुका – बाऱ्हाळी
7 जानेवारी 2026: देगलूर तालुका – हानेगाव
8 जानेवारी 2026: नायगाव तालुका – सावरखेड
9 जानेवारी 2026: बिलोली तालुका – बडूर
12 जानेवारी 2026: धर्माबाद तालुका – मंगनाळी
13 जानेवारी 2026: उमरी तालुका – गोरठा
14 जानेवारी 2026: मुदखेड तालुका – डोणगाव
15 जानेवारी 2026: अर्धापूर तालुका – शेलगाव
16 जानेवारी 2026: हदगाव तालुका – तामसा
17 जानेवारी 2026: माहूर तालुका – वझरा शे. फ.
19 जानेवारी 2026: किनवट तालुका – मांडवी
20 जानेवारी 2026: हिमायतनगर तालुका – मंगरुळ
21 जानेवारी 2026: भोकर तालुका – हळदा
22 जानेवारी 2026: नांदेड तालुका – मौजे बळीरामपूर
या कायदेविषयक शिबिर व फिरत्या लोकअदालतीच्या माध्यमातून राष्ट्रीय विधी सेवा प्राधिकरणामार्फत राबविण्यात येणाऱ्या विविध योजनांची माहिती तसेच कायदेविषयक मार्गदर्शन देण्यात येणार आहे. संबंधित गावांच्या पोलीस स्टेशन हद्दीतील तडजोडपात्र दिवाणी व फौजदारी प्रलंबित प्रकरणांचा निपटारा करण्यात येणार आहे. ग्रामीण भागातील पक्षकार, ग्रामस्थ व नागरिकांनी या उपक्रमाचा जास्तीत जास्त लाभ घ्यावा, असे आवाहन जिल्हा विधी सेवा प्राधिकरणाचे सचिव शरद देशपांडे यांनी केले आहे.
