हदगाव, गौतम वाठोरे| नगरपरिषद निवडणुकीच्या धुमश्चक्रीत आज (21 नोव्हेंबर) अर्ज मागे घेण्याची अंतिम तारीख होती. या पार्श्वभूमीवर नगराध्यक्ष पदाच्या एका उमेदवारांनी तसेच पाच नगरसेवक पदाच्या उमेदवारांनी आपली नामनिर्देशनपत्रे मागे घेतल्याची माहिती प्रशासनाकडून देण्यात आली.
अर्ज मागे घेतल्यानंतर हदगाव नगरपरिषद निवडणुकीत नगराध्यक्षपदासाठी एकूण 10 उमेदवार रिंगणात उरले आहेत. तर 20 नगरसेवक जागांसाठी तब्बल 96 उमेदवार निवडणुकीच्या मैदानात आहेत. त्यामुळे हदगावमध्ये चुरशीची लढत रंगणार हे निश्चित झाले आहे.
नगराध्यक्ष पदासाठी उभे असलेले उमेदवार
शिवसेना (एकनाथ गट) – रोहिणी भास्कर वानखेडे
काँग्रेस – कुमुद सुनीलभाऊ सोनुले
शिवसेना (उबाठा गट) – सिंमा बालाजी घाळप्पा
राष्ट्रवादी काँग्रेस पार्टी (शरद पवार गट) – वर्षा वसंतराव देशमुख
वंचित बहुजन आघाडी – चाऊस अफशन इराम जाकीर
रिपब्लिकन सेना – स्वरूपा अतुल चौरे
अपक्ष – गिरी अरुणा शिवशंकर
अपक्ष – कविता कैलासजी जोशी
अपक्ष – शेख तैबूनीसा बेगम गफार
अपक्ष – सय्यद कणीस मुजीबअली
नगराध्यक्षपदासाठी दहा उमेदवार रिंगणात असल्याने प्रचाराला आता आणखी उधाण येणार आहे. पक्षीय आणि अपक्ष उमेदवारांमध्ये चुरस वाढली असून हदगावमधील निवडणूक रंगतदार होण्याची चिन्हे दिसत आहेत.
