उस्माननगर l जानापुरी ता.लोहा येथील जिल्हा परिषद प्राथमिक शाळेच्या उपक्रमशील व विद्यार्थी प्रिय शिक्षिका सौ. सविता व्यंकटराव कदम यांना राज्य शासनामार्फत क्रांतीज्योती सावित्रीबाई फुले राज्य गुणगौरव पुरस्काराने सन्मानित करण्यात आले. त्याबद्दल अखिल महाराष्ट्र प्राथमिक शिक्षक संघ नांदेडच्या वतीने शाल श्रीफळ देऊन सत्कार करण्यात आला.
शिक्षण क्षेत्रातील गुणवंत व समर्पित शिक्षकांचा गौरव करण्यासाठी राज्य शासनामार्फत दरवर्षी आयोजीत क्रांतीज्योती सावित्रीमाई फुले राज्य आदर्श शिक्षक गुणगौरव पुरस्कार सोमवार, दिनांक 22 सप्टेंबर 2025 रोजी मुंबईतील नरिमन पॉईंट येथील टाटा नाट्यगृहात आयोजित हा पुरस्कार प्रदान करण्यात आला.
या कार्यक्रमाला महाराष्ट्र राज्याचे उपमुख्यमंत्री अजितदादा पवार, शिक्षण मंत्री दादा भुसे, विधानसभा अध्यक्ष राहुल नार्वेकर, राज्यमंत्री पंकज भोयर, राज्याचे प्रधान सचिव रणजीतसिंग देओल तसेच शिक्षण संचालक महेश पालकर यांची प्रमुख उपस्थिती लाभली. यावेळी लोहा तालुक्यातील जिल्हा परिषद प्राथमिक शाळा जानापुरी येथील उपक्रमशील शिक्षिका सविता व्यंकटराव कदम यांना या राज्यस्तरीय पुरस्काराने गौरविण्यात आले. सविता कदम या अध्ययन अध्यापन क्षेत्राच्या पवित्र ज्ञानदानाच्या प्रवासात केवळ शैक्षणिक अध्यापनावर भर न देता विद्यार्थ्यांचा सर्वांगीण विकास साधण्यासाठी नवनवीन उपक्रम राबवत आहेत.
बदलत्या तंत्रज्ञानाचा व शिक्षणातील आधुनिक साधनांचा योग्य वापर करून त्यांनी विद्यार्थ्यांना दर्जेदार शिक्षण मिळवून देण्यासाठी अविरत प्रयत्न केले आहेत. त्यांनी स्वतः वेगवेगळ्या स्पर्धेत भाग घेत विद्यार्थ्यांनाही स्पर्धेत भाग घेऊन यश प्राप्त करून दिले आहे. शैक्षणिक व्हिडिओ निर्मिती स्पर्धेमध्ये त्यांचा सहभाग आहे. त्यांनी विद्यार्थ्यांना गुणवत्ता पूर्ण व नाविन्यपूर्ण शिक्षणाच्या संधी उपलब्ध करून दिल्या.
या पुरस्काराबद्दल अखिल महाराष्ट्र प्राथमिक शिक्षक संघटनेचे राज्याध्यक्ष आदरणीय देविदासराव बस्वदे गटशिक्षणाधिकारी सतीश व्यवहारे, राज्य पुरस्कार प्राप्त केंद्रप्रमुख जयवंतराव काळे शिक्षण विस्तार अधिकारी अंजली कापसे, शाळेचे मुख्याध्यापक नरवाडे सर, प्रभारी केंद्रप्रमुख, केंद्रीय मुख्याध्यापिका मुदखेडे मॅडम ,सय्यद सर, कोंडावार मॅडम,तम्मेवार मॅडम, कदम मॅडम आत्माराम शिंदे गुणाजी कपाळे रावसाहेब जाधव सौ संगीताबाई शिंदे उत्तम जाधव गंगाधर नंदेवाड श्री व सौ लुंगारे. , उस्माननगर विभाग ग्रामीण मराठी पत्रकार संघाचे अध्यक्ष गणेश लोखंडे, माणिक भिसे , प्रदीप देशमुख , लक्ष्मण कांबळे , अमजद खान पठाण , सुर्यकांत माली पाटील , देविदास डांगे , लक्ष्मण भिसे , आदी मान्यवरांनी त्यांचे अभिनंदन केले. याप्रसंगी पुरस्कार स्वीकारताना कदम यांनी आपल्या यशाची संपूर्ण श्रेय चिमुकल्या विद्यार्थ्यांना दिले. त्यांच्या मते हा मिळालेला पुरस्कार हा वैयक्तिक सन्मान नसून, तो संपूर्ण शैक्षणिक क्षेत्रासाठी प्रेरणादायी दीपस्तंभ आहे
