देगलूर (गंगाधर मठवाले) शहापूर तालुक्यातील रामतीर्थ पोलीस ठाण्याचे सहाय्यक पोलीस निरीक्षक विक्रम हराळे, सहाय्यक पोलीस उपनिरीक्षक श्यामसुंदर भवानगिरकर, दशरथ जाभळीकर व जमादार बालाजी मुगडे यांनी १९ सप्टेंबर रोजी रात्री १० वाजता राज्य महामार्गावर मोठी कारवाई केली.
नांदेड–देगलूर मार्गावरील रामतीर्थ शिवारात संशयित आयशर टेम्पो (क्रमांक MH-26-BE-8874) अडवून त्याची तपासणी करण्यात आली. त्यामध्ये गव्हाचे पोते आढळून आले.
गहू रेशनचा की खासगी?
या गव्हाचा रेशनशी संबंध आहे की खासगी व्यवहाराचा, याबाबत शंका निर्माण झाली. त्यामुळे आयशर टेम्पोसह संपूर्ण माल रामतीर्थ पोलीस ठाण्यात जमा करण्यात आला. पुढील तपासासाठी हा मुद्दा बिलोली तहसील कार्यालय व पुरवठा विभागाकडे पाठविण्यात आला.
पुढील तपासणीवर खरी परिस्थिती स्पष्ट
सदर गहू रेशनचा आहे की नाही, हे पुरवठा विभागाच्या चौकशीनंतरच स्पष्ट होणार असल्याचे पोलिसांनी सांगितले. या कारवाईमुळे परिसरात चर्चेला उधाण आले असून, रेशन गहू वाहतूक प्रकरणाचा तपास नेमका कोणत्या दिशेने जातो याकडे नागरिकांचे लक्ष लागले आहे.