नांदेड | राजे यशवंतराव होळकर वस्तीगृह योजनेमध्ये बहुजन कल्याण मंत्रालय अंतर्गत धनगर समाजातील बोगस विद्यार्थी संख्या दाखवून विद्यार्थ्यांच्या नावावर अनुदान लाटले गेलं आहे. हा महाभाग कोण? याची चौकशी करून कार्यवाही कराबी अन्यथा शिवसेना स्टाईलने आंदोलन करण्यात येईल असा इशारा मनोहर लोलगे, जिल्हाप्रमुख शिवसेना अल्पसंख्याक आघाडी, (उत्तर नांदेड) यांनी निवेदणाद्वारे दिला आहे.
श्रीमंत राजे यशवंतराव होळकर यांच्या नावाने ही योजना सुरु होते. धनगर समाजातील गोर-गरीब विद्यार्थ्याच्या नामाकिंत शाळेत शिक्षणाची सोयी या योजने मार्फत केली जाते. वस्ती गृहाची योजना ही बहुजन कल्याण मंत्रालय अंतर्गत महाराष्ट्रभर राबविली जाते. या योजनेत वस्तीगृह हे जागेवर नाही फक्त कागदावरच राबविली जाते आणि विद्यार्थीही कागदावरच दाखविले जातात.
तरीही योजने अंतर्गत प्रत्येक विद्यार्थ्यांच्या मागे संस्था चालकांना प्रतिवर्षी रुपये 70,000/- निधी दिला जातो. कोटयावधी रुपयांचा अनुदान लाटण्याचा प्रयत्न बहुजन कल्याण या खात्याचे अधिकाऱ्यांशी संगनमत करुन चालू आहे. तसेच महायुती सरकार खात्याचे मंत्री अतुल सावे तथा नांदेड जिल्हयाचे पालकमंत्री हे आहेत.
छत्रपती संभाजी नगरामध्ये गॅलक्सी इंग्रजी मिडीयम या शाळेत एकही विद्यार्थ्याची उपस्थिती नाही. या वस्तीगृहाची आणि शाळेची विद्यार्थी संख्या 100 दाखविली जाते. या शाळेतून जो भ्रष्टाचार झाला तो या शाळेच्या संस्था चालकाकडून वसूल करण्यात यावा. मागच्या वर्षी अशाच प्रकारे खोटी बिले सादर करुन अनुदान लाटले आहे. या संबंधित संस्थेची चौकशी करुन मान्यता रद्द करण्यात यावी. जो भ्रष्टाचार या संस्थेने केला आणि अशा अनेक संस्था मराठवाडयात भ्रष्टाचाराने पोखरलेल्या आहेत.
या खात्याचा बोजारा उडाला आणि या खात्याचे मंत्री नाहीसे मिस्टर इंडियाची घडी बांधून वावरत आहे. येणाऱ्या 08 दिवसांत या अनुदान लाटणाऱ्या संबंधित भ्रष्ट अधिकाऱ्यांवर फौजदारी गुन्हे दाखल करुन शासकिय सेवेतून बडतर्फ करावे, अन्यथा शिवसेना स्टाईलने उत्तर देण्यात येईल. असा इशारा मनोहर लोलगे, जिल्हाप्रमुख शिवसेना अल्पसंख्याक आघाडी, (उत्तर नांदेड) यांनी निवेदनातून दिला आहे.
