नांदेड| “छञपती शिवाजी महराज बहुउद्देशीय सेवाभवी संस्था, धार संचलित महाराष्ट्र राज्य अन्नदाता सेवा केंद्र ही संस्था महाराष्ट्र शासनाची आहे. असे भासवून गोरगरीब मजूर लोकांची 1,85,37,754 रुपयांपेक्षा अधिक रकमेची फसवणुक करणारा मुख्य सुत्रधार आरोपीला नांदेडच्या स्थानिक गुन्हे शाखेच्या पोलीसांनी लातूर येथे नवा बदलून राहत असल्याचा शोध लावून ताब्यात घेतले आहे. सदर गुन्ह्यात एकुण 13 आरोपी होते. यापुर्वी चार आरोपीतांना गुन्ह्यात अटक करण्यात आली आहे तर सहा आरोपीतांची अटकपूर्व जामिन झालेला आहे व एक आरोपी मयत झाले अशी माहिती पोलीस अधीक्षक अबिनाश कुमार यांनी आज झालेल्या पत्रकार परिषदेत दिली.
गुन्ह्यातील फिर्यादी अनिल गुणाजी पाईकराव वय 34 वर्षे मोटर सायकल मेकॅनिक रा, वैशाली नगर नांदेड यांनी दिनांक 28 ऑगस्ट 2023 रोजी पोलीस स्टेशन वजिराबाद नांदेड येथे तक्रार देऊन बाबासाहेब शंकर सुतारे याने साथीदारांच्या मदतीने संगनमताने कट कारस्थान करून गोगरीब मजूर लोकांची फसवणूक केली आहे. छत्रपती शिवाजी महाराज बहुउद्देशीय सेवाभावी संस्था, धार संचलित, महाराष्ट्र राज्य अन्नदाता सेवा केंद्र ही संस्था महाराष्ट्र शासनाच्या वतीने चालविण्यात येत असून, महाराष्ट्र शासनाने गोरगरीब लोकांना माफक दरामध्ये म्हणजेच केवळ 1100/- रुपयामध्ये 30 किलो गहु 25. किलो तांदुळ, 10 किलो साखर 10 किलो पोहा, 05 किलो शेंगदाने, उर्वरीत 20 किलो गहू तसेच 1200 रुपयामध्ये 60 किलो गहू व 25 किलो तांदूळ असे अन्नधान्य वाटप करण्यात येत आहे.
त्यातून 30,000 रुपयामध्ये इलेक्ट्रीक स्कुटी 2200 रुपयामध्ये शिलाई मशीन, व सायकल लॅपटॉप दिले जाईल. तसेच विधवा महिलांसाठी 1200 रुपये भरत्यानंतर एक वर्षासाठी 10,000 रुपये प्रतिमाह विधवा पेंशन योजना दिली जाईल. अशा विविध माध्यमातून खोटा प्रचार व प्रसार करून फिर्यादी व सदर संस्थेत काम करणारे PRO मार्फत संस्थेला पैसे भरायला लावले. हजारों लाभार्थ्यांना ठेव म्हणून जमा केलेल्या रक्कमेच्या बदल्यात परतफेड म्हणून धान्य व इतर साहीत्य वाटप करण्यास नकार देऊन, कपटीपणा केला व संस्थेकडे विश्वासाने सोपविलेल्या रक्कमेचा अपहार करुन त्या रक्कमेचा स्वतः साठी वापर केला.
त्यामुळे फिर्यादीची व संस्थेचे काम करणारे PRO तसेच लाभार्थ्यांची एकूण 1,85,37,754/रुपयापेक्षा अधिक रक्कमेची फसवणूक केली. त्यावरून पोलीस स्टेशन वजिराबाद, नांदेड येथे 374/2023 कलम 406,409,120(ब),506,34,420 भारतीय दंड संहिता प्रमाणे गुन्हा दखल असून, सदर गुन्ह्याचा तपास आर्थिक गुन्हे शाखा, नांदेड ही करीत आहे. गुन्ह्यातील फरार आरोपीतांपैकी महिला आरोपी माया गौतम खिल्लारे हीस, दिनांक 24/06/2025 रोजी आर्थिक गुन्हे शाखेकडून अटक करण्यात आली असून, ती सध्या न्यायालयीन कोठडीमध्ये आहे. सदर प्रकरणातील मुख्य सुत्रधार बाबासाहेब शंकर सुतारे व त्याचे साथीदार पत्नी हे मागील दोन वर्षापासून फरार होते.
पोलीस अधीक्षक अबिनाश कुमार यांनी फसवणुकीच्या गुन्ह्यातील मुख्य सुत्रधार आरोपीतांचा शोध घेण्याबाबत आदेशित केले होते. त्यावरुन मिलींद सोनकांबळे, पोलीस उप निरीक्षक, स्थानिक गुन्हे शाखा, नांदेड व त्यांची टिम आरोपी शोध कामी रवाना झाली होती. गुन्ह्यातील मुख्य आरोपी बाबासाहेब शंकर सुतारे हा लातूर येथे त्याचे नाव व ओळख लपवून त्याचे स्वतःचे नाव सतिष असे धारण करुन वास्तव्य करीत असल्याची गोपनीय माहिती मिळाली. त्यावरुन मिलींद सोनकांबळे, पोलीस उप निरीक्षक, स्थानिक गुन्हे शाखा, नांदेड व त्यांची टिम यांनी दिनांक 07/07/2025 रोजी आरोपी बाबासाहेब शंकर सुतारे वय 39 वर्षे व्यवसाय मजूरी रा. धार ता. औंढानागनाथ जि. हिंगोली, सोनाली विजयराव बाजड वय 29 वर्षे व्यवसाय घरकाम रा. धार ता. औंढानागनाथ जि. हिंगोली यांना लातूर येथून पकडले.