Chhatrapati Sambhaji Nagar – Parbhani railway line cleared : छत्रपती संभाजी नगर – परभणी रेल्वे मार्गाच्या दुहेरीकरणासाठी जमीन अधिग्रहणाचा प्रश्न मार्गी
नांदेड| दक्षिण मध्ये रेल्वे विभागांतर्गत येणाऱ्या मराठवाड्यातील छत्रपती संभाजी नगर ते परभणी या रेल्वे मार्गाच्या दुहेरीकरणाचा मार्ग आता मार्गी लागणार आहे . यासाठी जमीन अधिग्रहणाचे अध्यादेश केंद्र सरकारकडून काढण्यात आलेले आहेत . खा. डॉ. अजित गोपछडे यांच्यासह नांदेड व मराठवाड्यातील अनेक लोकप्रतिनिधी आणि विविध संघटनांच्या वतीने अनेक वेळा निवेदने देऊन आंदोलन करण्यात आले होते .अखेर या पाठपुराव्याला यश आले आहे.
दक्षिण मध्य रेल्वे विभागातील जवळजवळ सर्वच मार्गांच्या रुंदीकरणाचा मार्ग मोकळा झालेला आहे . अनेक भागातील रुंदीकरणाचे कामही पूर्ण झालेले आहे. सिकंदराबाद ,विजयवाडा , गुंतकल , हैदराबाद , गुंटूर आणि नांदेड अशी एकूण सहा विभाग असलेल्या दक्षिण मध्य रेल्वे विभागातील नांदेड, पूर्णा ,परभणी ,जालना आणि छत्रपती संभाजी नगर या प्रमुख पाच रेल्वे स्थानकाचा समावेश नांदेड विभागात आहे .
नांदेड ते छत...